ഓർമയിലെ ഇന്ന്: ഡിസംബർ – 10; മഹാകവി എം.പി. അപ്പൻ

മഹാകവി എം. പി. അപ്പൻ മലയാള കവിയും സാഹിത്യകാരനുമായിരുന്നു (1913-2003). തിരുവനന്തപുരം ജില്ലയിൽ 1913-ൽ അദ്ദേഹം ജനിച്ചു. തിരുവനന്തപുരം യൂണിവേഴ്സിറ്റി കോളേജിൽ നിന്നും ബി.എ പാസായി. അധ്യാപകനായി ജോലിയിൽ പ്രവേശിച്ച അദ്ദേഹം ഡി ഇ ഒ ആയാണ്‌ സർവ്വീസിൽ നിന്ന് വിരമിച്ചത്. 1957 മുതൽ 1967 വരെ കേരള സാഹിത്യ അക്കാദമി അംഗവുമായിരുന്നു.
നാല്പതോളം കവിതാ സമാഹാരങ്ങൾ പ്രസിദ്ധീകരിച്ചിട്ടുണ്ട്. അദ്ദേഹത്തിന്റെ പ്രധാന കൃതികളിൽ കേരള സാഹിത്യ അക്കാദമി അവാർഡ് ലഭിച്ച ഉദ്യാനസൂനം, വെള്ളിനക്ഷത്രം, സുവർണ്ണോദയം എന്നിവ ഉൾ‌പ്പെടുന്നു.
നിരവധി പുരസ്കാരങ്ങൾ അദ്ദേഹത്തിനു ലഭിച്ചിട്ടുണ്ട്. ഉള്ളൂർ അവാർഡ് – 2003 ,വള്ളത്തോൾ അവാർഡ് – 1995 , എഴുത്തച്ചൻ അവാർഡ് – 1998,കേരള സാഹിത്യ അക്കാദമി അവാർഡ് – 1973,ആശാൻ പ്രൈസ്, ശൂരനാട് കുഞ്ഞൻ‌പിള്ള അവാർഡ് എന്നിവയൊക്കെ അദ്ദേഹത്തിന് ലഭിച്ചിട്ടുണ്ട്