ഉത്തരാഖണ്ഡിൽ ഏക സിവില് കോഡ് ബില് ഇന്ന് നിയമസഭയില് അവതരിപ്പിക്കും. ഇന്നലെ ചേർന്ന മന്ത്രിസഭയോഗമാണ് വിദഗ്ധ സമിതി നല്കിയ റിപ്പോർട്ടിന് അംഗീകാരം നല്കിയത്. ബില് നിയമസഭയില് പാസായാല് ഏക സിവില് കോഡ് നടപ്പിലാക്കുന്ന രാജ്യത്തെ ആദ്യ സംസ്ഥാനമാകും ഉത്തരാഖണ്ഡ്.
ഏക സിവില് കോഡ് നടപ്പാക്കാനായി രണ്ട് ദിവസത്തെ പ്രത്യേക നിയമസഭ സമ്മേളനമാണ് സർക്കാർ വിളിച്ചിരിക്കുന്നത്. പ്രതിപക്ഷ രാഷ്ട്രീയ പാര്ട്ടികളുടെ അടക്കം വിമർശനങ്ങള്ക്കിടെയാണ് സംസ്ഥാനത്തെ ബിജെപി സർക്കാർ നിയമം നടപ്പാക്കാൻ ഒരുങ്ങുന്നത്.