മലയാളികളുടെ ഇഷ്ടഭക്ഷണമാണ് ചേമ്പ്.മറ്റു കിഴങ്ങു വർഗങ്ങളെ അപേക്ഷിച്ച് പെട്ടെന്ന് ദഹിക്കുന്നു എന്നതാണ് ചേമ്പിന്റെ പ്രത്യേകത. ഇതിലടങ്ങിയിട്ടുള്ള നാരുകളാണ് ദഹനപ്രക്രിയ സുഗമമാക്കുന്നത്. ചേമ്പ് ആഴ്ചയിലൊരിക്കലെങ്കിലും ആഹാരത്തിൽ ഉൾപ്പെടുത്തിയാൽ രക്തത്തിലെ കൊളസ്ട്രോളിന്റെ അളവിൽ കുറവുണ്ടാകും എന്നും കണ്ടെത്തിയിട്ടുണ്ട്.
കൂടാതെ ചേമ്പിൽ കൂടുതൽ മാംസ്യവും അടങ്ങിയിരിക്കുന്നു. നാരുകളും മറ്റ് അവശ്യ പോഷകങ്ങളും അടങ്ങിയ ചേമ്പ് കുടലിന്റെയും ഹൃദയത്തിൻ്റേയും ആരോഗ്യത്തിനും വളരെ മികച്ചതാണ്.
ചേമ്പിലെ രണ്ടു തരം കാർബോഹൈഡ്രേറ്റുകൾ, നാരുകൾ,പ്രതിരോധശേഷിയുള്ള അന്നജം എന്നിവ രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിന് വളരെ പ്രയോജനകരമാണ്. ഈ ആരോഗ്യകരമായ പച്ചക്കറി മറ്റു കാർബോഹൈഡ്രേറ്റുകളുടെ ദഹനത്തെ മന്ദഗതിയിലാക്കാനും ആഗിരണം ചെയ്യാനും സഹായിക്കുന്നു. ഇതു ഭക്ഷണത്തിനു ശേഷമുള്ള രക്തത്തിലെ പഞ്ചസാരയുടെ വലിയ തോതിലുള്ള വർധനവിനെ തടയുന്നു. നാരുകളാൽ സമ്പുഷ്ടമായ ചേമ്പ് വിശപ്പു കുറയ്ക്കാൻ സഹായിക്കുന്നു.
കൂടുതൽ നേരം ആരോഗ്യകരമായിരിക്കാൻ സഹായിക്കുന്നു,ഇത് വിശപ്പിനെ അകറ്റി നിർത്തുന്നു,അതുവഴി ആരോഗ്യകരമായ രീതിയിൽ തന്നെ ശരീരഭാരം കുറയ്ക്കാനും സഹായിക്കുന്നു.
ചേമ്പിലടങ്ങിയിട്ടുള്ള ഉയർന്ന അളവിലുള്ള നാരുകൾ ശരീരത്തിലെ ദഹനപ്രക്രിയ മെച്ചപ്പെടുത്താൻ സഹായിക്കുന്നു.ഇത് മാലിന്യങ്ങളെ ഇല്ലാതാക്കുകയും ആസിഡ് റിഫ്ലക്സ്,വയറ്റിലെ അൾസർ, ഡൈവർട്ടിക്യുലൈറ്റിസ്,ഹെമറോയ്ഡുകൾ, മലബന്ധം എന്നിവ ഇല്ലാതാക്കുകയും ചെയ്യും.