പശ്ചിമേഷ്യയില് സംഘര്ഷം തുടരുന്നതിനിടെ ഗള്ഫ് മേഖലയെ ബന്ധിപ്പിച്ച് ഇന്ത്യയില് നിന്നും ഇന്ന് 58 വിമാന സര്വീസുകള്. സൗദി, ഒമാന് വ്യോമപാത തുറന്നതിനു പിന്നാലെയാണ് സര്വീസുകള്.
ജിദ്ദയിലേക്കും മസ്കത്തിലേക്കും എയര് ഇന്ത്യ കഴിഞ്ഞ ദിവസം ഷെഡ്യൂള്ഡ് സര്വീസുകള് പുനരാരംഭിച്ചിരുന്നു. ഇന്ന് 24 ഷെഡ്യൂള്ഡ് സര്വീസുകളാണ് നിശ്ചയിച്ചിരിക്കുന്നത്. ഗള്ഫില് കുടുങ്ങിക്കിടക്കുന്നവരെ നാട്ടിലെത്തിക്കാനായി ഇന്ന് 34 നോണ്ഷെഡ്യൂള്ഡ് സര്വീസുകളും നടക്കും.
ഇന്ഡിഗോ, സ്പൈസ് ജെറ്റ് തുടങ്ങിയ കമ്പനികള് യു എ ഇയില് നിന്ന് പ്രത്യേക സര്വീസുകള് നടത്തും. അബുദാബി, മസ്കറ്റ് എന്നിവിടങ്ങളിലേക്ക് ഭാഗികമായി സര്വീസുകള് പുനരാരംഭിക്കാനും ശ്രമം നടത്തുന്നുണ്ട്.
കേരളത്തിലെ കൊച്ചി, കോഴിക്കോട്, തിരുവനന്തപുരം വിമാനത്താവളങ്ങളില് നിന്നും മസ്കത്തിലേക്കും തിരിച്ചുമുള്ള ഷെഡ്യൂള്ഡ് സര്വീസ് ഇന്നുണ്ടായിരിക്കും. നോണ് ഷെഡ്യൂള്ഡ് വിഭാഗത്തില് കൊച്ചി – റാസല്ഖൈമ – കൊച്ചി സര്വീസും ഇന്നുണ്ടാകും.