ശശി തരൂരിനെ കൂടെ നിർത്താൻ സി പി എം. ദുബായിൽ നിർണായക ചർച്ചകൾ നടന്നതായി സൂചന . മുഖ്യമന്ത്രിയുമായി അടുപ്പമുള്ള വ്യവസായിയാണ് ചർച്ചക്ക് മുൻകൈയെടുക്കുന്നത് എന്ന വിവരമാണ് പുറത്തുവരുന്നത്.
മഹാപഞ്ചായത്തിലെ അവഗണനയിൽ തരൂർ അതൃപ്തിയിലാണ്. ഇന്നലെ രാവിലെയാണ് ശശി തരൂർ ദുബായിലേക്കു തിരിച്ചത്. ഇന്നലെ വൈകിട്ടോടു കൂടി തന്നെ മുഖ്യമന്ത്രിയുമായി ഏറ്റവും അടുപ്പമുള്ള ഒരു വ്യവസായിയും ശശി തരൂരുമായി കൂടിക്കാഴ്ച നടത്തും എന്നുള്ള വിവരവും പുറത്തു വന്നിരുന്നു. 27 ന് കോൺഗ്രസിന്റെ തെരഞ്ഞെടുപ്പ് സമിതി യോഗം തിരുവനന്തപുരത്ത് ചേരുന്നുണ്ട്. ആ യോഗത്തിൽ തരൂർ പങ്കെടുക്കുന്നില്ലെന്ന വിവരവും പുറത്തുവരുന്നു. തരൂരിനെ അനുനയിപ്പിക്കാനുള്ള ശ്രമം കോൺഗ്രസ് ആരംഭിച്ച സാഹചര്യത്തിലാണ് സി പി എമ്മിൽ നിന്നും ഇത്തരത്തിലുള്ള നീക്കം നടക്കുന്നുവെന്നതും ശ്രദ്ധേയമാണ്.
.