സംസ്ഥാനത്ത് ഇന്നലെ വോട്ടെടുപ്പു നടന്ന മൂന്ന് തദ്ദേശ വാർഡുകളിലെ വോട്ടെണ്ണൽ ഇന്നു നടക്കും. രാവിലെ 10 മണിയോടെ തന്നെ ഫലം അറിയാനാകും. സ്ഥാനാര്ഥികളുടെ മരണത്തെത്തുടര്ന്ന് മാറ്റിവെച്ച സംസ്ഥാനത്തെ തദ്ദേശ വാര്ഡുകളിലേക്കുള്ള തെരഞ്ഞെടുപ്പാണ് ഇന്നലെ നടന്നത്.
മലപ്പുറം ജില്ലയിലെ മൂത്തേടം ഗ്രാമപഞ്ചായത്തിലെ പായിംപാടം, എറണാകുളം ജില്ലയിലെ പാമ്പാക്കുട ഗ്രാമപഞ്ചായത്തിലെ ഓണക്കൂര്, തിരുവനന്തപുരം കോര്പ്പറേഷനിലെ വിഴിഞ്ഞം എന്നീ വാര്ഡുകളിലാണ് ഇന്നലെ തെരഞ്ഞെടുപ്പ് നടത്തിയത്.
തിരുവനന്തപുരം കോര്പ്പറേഷനിലെ വിഴിഞ്ഞം ഡിവിഷനിലെ തെരഞ്ഞെടുപ്പ് ഫലം ബി ജെ പിക്ക് ഏറെ നിര്ണായകമാണ്. 50 സീറ്റു ലഭിച്ച ബി ജെ പിക്ക് വിഴിഞ്ഞത്തു കൂടി വിജയിക്കാനായാല് സ്വന്തം നിലയ്ക്ക് കേവലഭൂരിപക്ഷം ലഭിക്കും. നിലവില് സ്വതന്ത്രന്റെ കൂടി പിന്തുണയോടെയാണ് ബി ജെ പി ഭരണം നടത്തുന്നത്.