കോന്നി പയ്യനാമൺ താഴം വില്ലേജിലെ ചെങ്ങളം ക്വാറിയിൽ പാറ ഇടിഞ്ഞു വീണുണ്ടായ അപകടത്തിൽപ്പെട്ടയാളെ കണ്ടെത്താനുള്ള രക്ഷപ്രവർത്തനം പുരോഗമിക്കുന്നു. പ്രതികൂല കാലാവസ്ഥയും അപകടകരമായി പാറ ഇളകി വീഴുന്നതും
രക്ഷാപ്രവർത്തനത്തെ സാരമായി ബാധിക്കുന്നുണ്ട്.
കൂടുതൽ സജ്ജീകരണം ഉള്ള ക്രെയിൻ എത്തിച്ച് രക്ഷാപ്രവർത്തനം വേഗത്തിലാക്കും. പാറ ഇടിഞ്ഞ് ഇന്നലെ രണ്ടു പേർ അപകടത്തിൽപെട്ടിരുന്നു. ഒരു മൃതദേഹം ഇന്നലെ തന്നെ കണ്ടെടുത്തിരുന്നു. പൊതുജനങ്ങളുടെ സുരക്ഷ ഉറപ്പാക്കാനായി രക്ഷാപ്രവർത്തകർ, ഉദ്യോഗസ്ഥർ എന്നിവർ ഒഴികെ മറ്റുള്ളവർ ക്വാറിയിൽ പ്രവേശിക്കുന്നതിന് വിലക്കുണ്ട്.