ശബരിമല സ്വര്ണക്കൊള്ള കേസില് ജയിലില് കഴിയുന്ന തന്ത്രി കണ്ഠര് രാജീവരെ മെഡിക്കല് കോളജില് പ്രവേശിപ്പിച്ചു. നെഞ്ചുവേദനയും അസ്വസ്ഥതയും അനുഭവപ്പെട്ടതിനെ തുടര്ന്നാണ് ആശുപത്രിയിലേക്ക് മാറ്റിയത്. പരിശോധനയ്ക്കായി എത്തിച്ചതെന്ന് എസ് ഐ റ്റി വ്യക്തമാക്കി.
ഇന്ന് അദ്ദേഹത്തെ ആന്ജിയോഗ്രാമിനു വിധേയനാക്കും. മെഡിക്കൽ കോളജിലെ ജയിൽ സെല്ലിലാണ് തന്ത്രിയെ അഡ്മിറ്റ് ചെയ്തത്. റിമാൻഡിലായി തൊട്ടടുത്ത ദിവസവും അദ്ദേഹത്തെ ആശുപത്രിയിൽ പ്രവേശിപ്പിച്ചിരുന്നു.
സ്വര്ണക്കൊള്ളക്കേസിലെ പതിമൂന്നാം പ്രതിയാണ് കണ്ഠര് രാജീവര്. ഒന്നാം പ്രതിയായ ഉണ്ണിക്കൃഷ്ണന് പോറ്റിയുമായി രാജീവര്ക്ക് ദീര്ഘകാലബന്ധമുണ്ടെന്നാണ് അന്വേഷണത്തില് കണ്ടെത്തിയിട്ടുള്ളത്.
തന്ത്രിയുടെ ജാമ്യ ഹര്ജി കൊല്ലം വിജിലന്സ് കോടതി ഈ മാസം 3 ന് പരിഗണിക്കും. പാളികള് കടത്തിയതില് തന്ത്രിക്ക് പങ്കുണ്ടെന്നും പ്രതികളുമായി സാമ്പത്തിക ഇടപാടുകള് ഉണ്ടെന്നുമാണ് എസ് ഐ റ്റി പറയുന്നത്.