കൊല്ലം ജില്ലയിലെ കൊട്ടിയത്ത് തിരുവനന്തപുരം – കൊല്ലം ദേശീയ പാതയോട് ചേർന്നുള്ള വ്യാപാര സ്ഥാപനത്തിൽ ഇന്നലെ വൈകീട്ട് വൻ തീപിടിത്തമുണ്ടായി. ഫ്ലക്സ് ജോലികൾ ചെയ്യുന്ന കടയിലാണ് തീ പടർന്നത്. ഫയർഫോഴ്സിന്റെ നേതൃത്വത്തിൽ തീ അണയ്ക്കാനുള്ള ശ്രമങ്ങൾ പുരോഗമിക്കുകയാണ്.
തീപിടിത്തം ഉണ്ടായ കടയോട് ചേർന്ന് വസ്ത്ര നിർമ്മാണശാലകൾ ഉൾപ്പെടെ നിരവധി സ്ഥാപനങ്ങൾ പ്രവർത്തിക്കുന്നുണ്ട്. അതിനാൽ, തീ മറ്റ് കെട്ടിടങ്ങളിലേക്കോ സ്ഥാപനങ്ങളിലേക്കോ പടരാതിരിക്കാൻ അതീവ ജാഗ്രതയോടെയുള്ള പ്രതിരോധ പ്രവർത്തനങ്ങളാണ് ഫയർഫോഴ്സ് നടത്തിയത്. ജില്ലയിലെ വിവിധ സ്ഥലങ്ങളിൽ നിന്നും കൂടുതൽ ഫയർഫോഴ്സ് യൂണിറ്റുകൾ പെട്ടന്ന് സംഭവസ്ഥലത്ത് എത്തിച്ചാണ് അഗ്നിബാധ നിയന്ത്രണ വിധേയമാക്കിയത്.