സി കെ ജാനു നേതൃത്വം നൽകുന്ന ജനാധിപത്യ രാഷ്ട്രീയ പാർട്ടി എൻ ഡി എ വിട്ടു. എൻ ഡി എ മുന്നണി മര്യാദ പാലിച്ചില്ലെന്ന വിമർശനമുന്നയിച്ചാണ് സഖ്യത്തിൽ നിന്നുള്ള പാർട്ടിയുടെ പിൻമാറ്റം. മുന്നണിയിൽ നിന്ന് അവഗണന മാത്രമാണ് നേരിട്ടതെന്നു സി കെ ജാനു ആരോപിക്കുന്നു. കോഴിക്കോട് ചേർന്ന സംസ്ഥാന കമ്മിറ്റി യോഗത്തിലാണ് തീരുമാനം.
വർഷങ്ങളായി മുന്നണിയ്ക്കൊപ്പം ചേർന്നിട്ട്. ഇതിനോടകം ഒരു മര്യാദയും അവർ കാണിച്ചിട്ടില്ല. ഇന്ന് ഞങ്ങൾ യോഗം ചേർന്നു എൻ ഡി എ ഘടകകക്ഷി സ്ഥാനം വിട്ടു. മുന്നണിയിൽ നിൽക്കുക എന്നത് കൊടുക്കൽ വാങ്ങൽ പ്രക്രിയയാണല്ലോ. ആ രീതിയിലുള്ള പരിഗണന കിട്ടിയില്ല. കേന്ദ്രത്തിൽ ഭരണമുണ്ടായിട്ടും നമ്മളെ പരിഗണിച്ചില്ല.
ഇനി പാർട്ടി ഏത് മുന്നണിയിലേക്ക് പോകുമെന്നു ഇപ്പോൾ പറയാൻ സാധിക്കില്ല. നിലവിൽ സമവായ നീക്കത്തിനുള്ള സാധ്യതയിലാണന്നും അവർ വ്യക്തമാക്കി.