സംസ്ഥാനത്ത് മന്ത്രിസഭ പുന:സംഘടന ഉടനെന്ന് റിപ്പോർട്ട്

പിണറായി വിജയൻ്റെ നേതൃത്വത്തിലുള്ള സംസ്ഥാന മന്ത്രിസഭ പുന:സംഘടിപ്പിക്കാൻ ഒരുങ്ങുന്നതായി റിപ്പോർട്ടുകൾ വരുന്നു. തിരഞ്ഞെടുപ്പ് മുന്നിൽകണ്ടാണ് പുന:സംഘടന എന്നാണ് ലഭിക്കുന്ന വിവരം. നിലവിലെ സാഹചര്യത്തിൽ പൊതുമരാമത്ത് വകുപ്പു മന്ത്രി പി എ മുഹമ്മദ് റിയാസിനെയും ഫിഷറിസ് വകുപ്പു മന്ത്രി സജി ചെറിയാൻ, ആരോഗ്യ വകുപ്പു മന്ത്രി വീണാ ജോർജ് എന്നിവരെ ഒഴിവാക്കിയേക്കും. പുതിയ മന്ത്രിമാരായി നിലവിലെ സ്പീക്കർ എ എൻ ഷംസീർ, ആലപ്പുഴയിൽ നിന്നുള്ള പി ചിത്തരജ്ഞൻ,തിരുവനന്തപുരം നെയ്യാറ്റിൻകര മണ്ഡലത്തിൽ നിന്നുള്ള കെ ആൻസലൻ, തോട്ടത്തിൽ രവീന്ദ്രൻ എന്നിവരെ പരിഗണിക്കുന്നതായും അറിയുന്നു. കെ കെ ഷൈലജയെ സ്പീക്കറാക്കാനും സാധ്യതയുണ്ട്.