വൈദ്യുതി പോസ്റ്റുകളില് പരസ്യ ബോര്ഡുകള്, പോസ്റ്ററുകള് എന്നിവ സ്ഥാപിക്കുന്നത് നിരോധിച്ച് ഹൈക്കോടതിയുടെ ഉത്തരവ് നിലവിലുള്ള സാഹചര്യത്തിൽ അവ അടിയന്തരമായി മാറ്റണമെന്ന് കെ എസ് ഇ ബി ആവശ്യപ്പെട്ടു. ഊര്ജ്ജ വകുപ്പ് അഡീഷണല് ചീഫ് സെക്രട്ടറിയുടെ അദ്ധ്യക്ഷതയില് ചേര്ന്ന യോഗത്തില് വൈദ്യുതി പോസ്റ്റുകളില് സ്ഥാപിച്ചിട്ടുള്ള പരസ്യ ബോര്ഡുകള് അടിയന്തിരമായി നീക്കം ചെയ്യണമെന്നും അല്ലങ്കിൽ സ്ഥാപിച്ചവരില് നിന്നും പിഴ ഈടാക്കണമെന്നും തീരുമാനിച്ചു.
ഏപ്രില് 15 നു മുമ്പായി വൈദ്യുതി പോസ്റ്റുകളില് സ്ഥാപിച്ചിട്ടുള്ള പരസ്യ ബോര്ഡുകള് സ്ഥാപിച്ചവര്തന്നെ മാറ്റേണ്ടതാണെന്നും അല്ലെങ്കിൽ കെ എസ് ഇ ബി എല് അവ മാറ്റുകയും അതിനു വേണ്ടി വരുന്ന ചെലവ് പരസ്യ ബോര്ഡ് സ്ഥാപിച്ചവരില് നിന്നും ഈടാക്കുന്നതുമാണെന്നും അറിയിച്ചു. ഇത്തരത്തില് പരസ്യ ബോര്ഡുകള് മാറ്റുന്നതിന് ചെലവായ തുക ഈടാക്കുന്നതിനായി അറിയിപ്പ് നല്കി 15 ദിവസത്തിനു മുമ്പായി തുക അടച്ചില്ലെങ്കില് 12 ശതമാനം പലിശ കൂടി നല്കേണ്ടി വരുമെന്നും കെ എസ് ഇ ബി അറിയിപ്പിൽ പറയുന്നു.