കൊൽക്കത്തയിലെ ആർ ജി കർ മെഡിക്കൽ കോളജിലെ വനിതാ ഡോക്ടർ ക്രൂരമായി കൊല ചെയ്യപെട്ടതിൽ പ്രതിഷേധിച്ച് ഇന്ത്യൻ മെഡിക്കൽ അസോസിയേഷൻ രാജ്യ വ്യാപകമായി പ്രഖ്യാപിച്ച മെഡിക്കൽ സമരത്തിന്റെ കേരള സംസ്ഥാനതല പ്രതിഷേധം തലസ്ഥാനത്ത്നടക്കും.
മെഡിക്കൽ കോളജ് ആശുപത്രിക്കു മുന്നിൽ രാവിലെ 9 മണിക്ക് ആരംഭിക്കുന്ന ധർണ്ണ ഐ എം എ സംസ്ഥാന പ്രസിഡന്റ് ഡോ ജോസഫ് ബെനവൻ ഉദ്ഘാടനം ചെയ്യും. സംസ്ഥാന ജില്ലാ ഭാരവാഹികൾ പരിപാടിക്ക് നേതൃത്വം നൽകും. സമരത്തിന് പിന്തുണ പ്രഖ്യാപിച്ചു കൊണ്ട് കെ ജി എം സി ടി എ, കെ ജി എം ഒ എ, പി ജി അസോസിയേഷൻ, ഹൗസ് സർജൻ അസോസിയേഷൻ, ആർ സി സി ഡോക്ടഴ്സ് അസോസിയേഷൻ, ശ്രീചിത്ര ഡോക്ടഴ്സ് അസോസിയേഷൻ തുടങ്ങി എല്ലാ സംഘടന പ്രതിനിധികളും പങ്കെടുക്കുമെന്ന് ഐ എം എ തിരുവനന്തപുരം ജില്ലാ സമിതി ചെയർമാൻ ഡോ ശ്യം ലാൽ കൺവീനർ ഡോ പത്മ പ്രസാദ്, തിരുവനന്തപുരം ശാഖ പ്രസിഡന്റ് ഡോ ജി എസ് വിജയകൃഷ്ണൻ സെക്രട്ടറി എ അൽത്താഫ് എന്നിവർഅറിയിച്ചു