പാലായിലെ അപകടത്തിൽ 3 പേർക്ക് പരിക്ക്

കോട്ടയം ജില്ലയിലെ പാലായിൽ ലോറിയും കാറും കൂട്ടിയിടിച്ച് അപകടമുണ്ടായി. ഒരു വയസുള്ള കുട്ടിയുൾപ്പെടെ മൂന്നു പേർക്ക് ഈ അപകടത്തിൽ പരിക്കു പറ്റിയതായാണ് വിവരം. കാർ യാത്രക്കാരായ ജയലക്ഷ്മി, ജയലക്ഷ്മിയുടെ മക്കളായ ലോറൽ, ഹെയ്ലി എന്നിവർക്കാണ് പരിക്കേറ്റത്. മൂന്നുപേരെയും പാലായിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. എലിക്കുളം സ്വദേശികളാണ് കാറിലുണ്ടായിരുന്നത്. രാവിലെ പാലാ – പൊൻകുന്നം റോഡിൽ പൂവരണിക്കു സമീപമാണ് അപകടം സംഭവിച്ചത്. പൊലിസ്, അഗ്‌നിരക്ഷാ സേനാംഗങ്ങൾ, നാട്ടുകാർ എന്നിവർ ചേർന്നാണ് രക്ഷാപ്രവർത്തനം നടത്തിയത്.