അച്ചടക്കത്തിന് വിരുദ്ധമായി ആരെങ്കിലും പ്രവർത്തിച്ചാൽ കർശന നടപടിയുണ്ടാകും.
ഇപ്പോൾ ഉയർന്നുവന്ന ആരോപണങ്ങൾ ഉന്നത ഉദ്യോഗസ്ഥൻ പരിശോധിക്കുമെന്നും മുഖ്യമന്ത്രി പറഞ്ഞു.
അജിത് കുമാറിനെ വേദിയിൽ ഇരുത്തിയാണ് മുഖ്യമന്ത്രിയുടെ പ്രഖ്യാപനം. സേനയിൽ ഉള്ളവർ അച്ചടക്കത്തിന്റെ ചട്ടക്കൂടിൽ നിന്നു വ്യതിചലിക്കരുത് .
കേരള പൊലീസിൽ മുൻകാലങ്ങളിൽ അപേക്ഷിച്ച് വലിയ മാറ്റം വരുത്താൻ കഴിഞ്ഞിട്ടുണ്ട്. പൊലീസ് ജനസേവകരായി മാറി. രാജ്യത്തെ മികച്ച സേന എന്ന നിലയിലേക്ക് കേരളത്തിലെ പൊലീസ് സേന എത്തിയിരിക്കുന്നു.
കേരളത്തിൽ ക്രമസമാധാനം ഭദ്രം
ക്രമസമാധാനത്തെ കുറിച്ച് ഒരാൾക്കും ആരോപണം ഉന്നയിക്കാനായില്ല. പൊലീസിന് ആരെയും ഭയപ്പെടേണ്ടതില്ല
പോലീസിൽ കുഴപ്പക്കാർ ചെറിയൊരു വിഭാഗം മാത്രം
മാറ്റങ്ങളോടു മുഖം തിരിഞ്ഞു നിൽക്കുന്നത് ഒരു വിഭാഗം മാത്രം. അവർ സേനയ്ക്ക് നാണക്കേട്, അത്തരക്കാരെ ആവശ്യമില്ല, കുഴപ്പക്കാരോട് വിട്ടുവീഴ്ചയില്ലാത്ത നടപടി ഇനിയും തുടരും. പൊലീസിനെ കൂടുതൽ ജനകീയവൽക്കരിക്കയാണ് സർക്കാരിന്റെ നയം.
സമൂഹത്തിൽ ഏറ്റവും താഴെക്കിടയിൽ ഉള്ളവർക്ക് പോലും നീതി ലഭ്യമാക്കാൻ ആണ് സർക്കാർ ശ്രമിക്കുന്നത്. സോഷ്യൽ പൊലീസിങ് സംവിധാനം കൂടുതൽ ശക്തിപ്പെടുത്താൻ ആണ് തീരുമാനമെന്നും മുഖ്യമന്ത്രി കോട്ടയത്ത് പറഞ്ഞു.
കേരള പോലീസ് അസോസിയേഷൻ 37മത് സംസ്ഥാന സമ്മേളനത്തിലെ പൊതുസമ്മേളനം കോട്ടയത്ത് ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി