ഇന്ത്യൻ വ്യോമസേനയുടെ വാഹന വ്യൂഹത്തിനു നേരെ ജമ്മുകശ്മീരിലെ പൂഞ്ചിൽ വച്ച് ഭീകരാക്രമണമുണ്ടായി. സുരൻ കോട്ടയിൽ വച്ചുണ്ടായ ആക്രമണത്തിൽ ഒരു ഇന്ത്യൻ സൈനികൻ ഗുരുതരാവസ്ഥയിലാണന്ന് പറയപ്പെടുന്നു . മറ്റു നാലു സൈനികർക്കു കൂടി പരിക്കു പറ്റിയിട്ടുണ്ട്.
പോയ വർഷം ഇന്ത്യൻ സൈനികർക്കുനേരേ നിരവധി തവണ കശ്മീരിൽ വച്ച് ആക്രമണമുണ്ടായിട്ടുണ്ട് . 2024 ൽ ആദ്യമായിട്ടാണ് ആക്രമണമുണ്ടാകുന്നതെന്ന് സൈനിക വക്താവ് പറഞ്ഞു . ഇന്നലെ ഇന്ത്യൻ സൈനിക വാഹന വ്യൂഹത്തിനു നേരേ ഭീകരർ വെടിയുതിർക്കുകയായിരുന്നു . അപ്രതീക്ഷിത ആക്രമണത്തിൽ സൈന്യം തിരിച്ചും വെടിയുതിർത്തു. പ്രദേശമാകെ സൈന്യം വളഞ്ഞ് ഭീകരർക്കായുള്ള തെരച്ചിൽ തുടരുകയാണ്.