മോഹൻലാൽ – സിബി മലയിൽ ടീമിൻ്റെ ചിത്രങ്ങൾ മലയാളികൾക്ക് എന്നും ആവേശമാണ് . ദേവദൂതൻ എന്ന ചിത്രം പ്രമേയത്തിലെ വ്യത്യസ്ഥത കൊണ്ട് അന്നു തന്നെ ഏറെ ചർച്ച ചെയ്യപ്പെട്ട ചിത്രമാണ് . ബോക്സ് ഓഫിസിൽ ചിത്രം അത്ര മെച്ചമായിരുന്നില്ല താനും. രണ്ടായിരത്തിൽ ഇറങ്ങിയ ചിത്രം പിൽക്കാലത്ത് ഏറെ ചർച്ച ചെയ്യപ്പെട്ടു . പ്രമേയത്തിലും മേക്കിംഗിലും വ്യത്യസ്ഥത എന്ന രീതിയിൽ വിവിധ ഇടങ്ങളിൽ ചർച്ച ചെയ്യപ്പെട്ടു .
ഇപ്പോഴിതാ ദേവദൂതൻ 4K അറ്റ്മോസിൽ തിയറ്ററിൽ എത്തിക്കുകയാണ് അണിയറ പ്രവർത്തകർ. ചിത്രത്തിൻ്റെ സംവിധായകൻ സിബി മലയിൽ തന്നെയാണ് പുതിയ വിശേഷങ്ങൾ പങ്കുവച്ചിട്ടുള്ളത്. മോഹൻലാലിനു പുറമേ മുരളി , ജഗതി ശ്രീകുമാർ , ജഗദീഷ് , വിനീത് കുമാർ , ജയപ്രദ തുടങ്ങിയവരും ചിത്രത്തിലുണ്ട് . ചിത്രത്തിലെ വിദ്യാസാഗർ ഈണമിട്ട പാട്ടുകളും ഹിറ്റുകളായിരുന്നു.