ബോളിവുഡ് താരം വിദ്യ ബാലന്റെ പേരിലുള്ള വ്യാജ ഇൻസ്റ്റഗ്രാം അക്കൗണ്ട് വഴി പണം തട്ടാൻ ശ്രമിച്ചതായി പരാതി. ജോലി വാഗ്ദാനം ചെയ്‌താണ് പണം തട്ടാൻ ശ്രമിച്ചത്.വിദ്യയുടെ പേരിൽ വ്യാജ ഇൻസ്റ്റഗ്രാം അക്കൗണ്ട് ആരംഭിച്ച അജ്ഞാതൻ പിന്നീട് പുതിയ ജിമെയിൽ അക്കൗണ്ടും തുടങ്ങി. സംഭവം ശ്രദ്ധയിൽപ്പെട്ടതിനെ തുടർന്ന് വിദ്യ ബാലൻ മുംബൈ പൊലീസിൽ പരാതി റജിസ്റ്റർ ചെയ്തു. പരാതിയിൽ അന്വേഷണം നടക്കുകയാണ്. ഐടി നിയമത്തിലെ സെക്‌ഷന് 66(സി)പ്രകാരമാണ് എഫ്ഐആർ രജിസ്‌റ്റർ ചെയ്തിരിക്കുന്നത്. ഇൻസ്റ്റഗ്രാമിൽ സജീവമായ താരത്തിന് 9 ദശലക്ഷം ഫോളോവേഴ്സുണ്ട്.
