കേരളത്തില്‍ നിന്നും അയോധ്യയിലേക്കുള്ള ട്രെയിന് സര്‍വീസ് തുടങ്ങാൻ വൈകും. സർവീസ് ഒരാഴ്ചത്തേക്ക് കൂടി നീട്ടിവച്ചു. ചൊവ്വാഴ്ച രാവിലെ 7.10ന് സര്‍വീസുകള്‍ ആരംഭിക്കനായിരുന്നു റെയിൽവേയുടെ തീരുമാനം. എന്നാല്‍ അയോധ്യയില്‍ ക്രമീകരണങ്ങള്‍ പൂര്‍ത്തിയാകാത്തതിനാലാണ് സര്‍വീസ് നീട്ടി വെച്ചത്. ട്രെയിനിലേക്കുള്ള ബുക്കിംഗും ആരംഭിച്ചിരുന്നില്ല. പാലക്കാട് നിന്ന് ആരംഭിക്കുന്ന ട്രെയിനിൽ മൂന്നു ദിവസത്തിൽ അയോധ്യയിലെത്തും. അന്നേദിവസം വൈകീട്ട് തന്നെ മടക്കയാത്ര ആരംഭിക്കും.
കോയമ്പത്തൂര്‍ വഴിയാണ് ട്രെയിൻ സര്‍വീസ് നടത്തുക. ഫെബ്രുവരി 4, 9, 14, 19, 24, 29 തീയതികളിലും പാലക്കാട് നിന്ന് അയോധ്യയിലേയ്ക്ക് സര്‍വീസ് ഉണ്ട്. തിരുനെല്‍വേലിയില്‍ നിന്ന് ഫെബ്രുവരി ഒന്നിന് അയോധ്യയിലേക്ക് പുറപ്പെടുന്ന ട്രെയിന് കേരളത്തില്‍ തിരുവനന്തപുരം, കോട്ടയം, എറണാകുളം ടൗണ്‍, ഷൊര്‍ണൂര്‍, കോഴിക്കോട് എന്നിവിടങ്ങളില്‍ സ്റ്റോപ്പുണ്ട്.