റാസ് അല്‍ ഖയിമയില്‍ നിന്നു കോഴിക്കോടേക്ക് എയര്‍ അറേബ്യ വിമാന സര്‍വീസ് തുടങ്ങി. ആഴ്ചയില്‍ മൂന്നു സര്‍വീസുകളാണ് ഏര്‍പ്പെടുത്തിയിരിക്കുന്നത്. റാസ് അൽ ഖയിമയിൽ നിന്നു വിവിധ ഇന്ത്യന്‍ നഗരങ്ങളിലേക്ക് വൈകാതെ കൂടുതല്‍ സര്‍വീസുകള്‍ ആരംഭിക്കുമെന്ന് എയര്‍ അറേബ്യ വക്താവ് പറഞ്ഞു.ബുധന്‍, വെള്ളി, ഞായര്‍ ദിവസങ്ങളിലാണ് റാസ് അല്‍ ഖയിമയില്‍ നിന്നു കോഴിക്കോടേക്ക് എയര്‍ അറേബ്യ സര്‍വീസ് നടത്തുക.
ബുധന്‍, വെള്ളി ദിവസങ്ങളില്‍ ഉച്ചക്ക്2.55ന് വിമാനം പുറപ്പെടും. രാത്രി 8.10ന് കോഴിക്കോടെത്തും. 8.50ന് കോഴിക്കോട് നിന്ന് പുറപ്പെടുന്ന വിമാനം യു എ ഇ സമയം രാത്രി 11.25 ന് റാസ് അല്‍ ഖയിമയിലെത്തും. ഞായറാഴ്ചകളില്‍ രാവിലെ 10.55ന് പുറപ്പെടുന്ന വിമാനം വൈകുന്നേരം 4.10ന് കോഴിക്കോട് ഇറങ്ങും. 4.50നാണ് മടക്ക യാത്ര.