ചെന്നൈ പശ്ചിമഘട്ടത്തിൽ നിന്ന് 38 വർഷത്തിനിടെ പുതിയയിനം ചിത്രശലഭത്തെ കണ്ടെത്തി. ശ്രീവില്ലിപുത്തൂരിനടുത്ത മേഘമല കടുവസങ്കേതത്തിൽ നിന്നാണ് പുതിയയിനം സിൽവർ ലൈൻ ചിത്രശലഭത്തെ കണ്ടത്തിയതെന്ന് തമിഴ്‌നാട് പരിസ്ഥിതി-വനംവകുപ്പ് അഡീഷണൽ ചീഫ് സെക്രട്ടറി സുപ്രിയ സാഹു പറഞ്ഞു.
സിഗരിറ്റിസ് മേഘമലയെൻ (Cigaritis Meghamalaiensis) എന്നാണ് ഇതിനു പേരിട്ടത്. പ്രദേശത്തിന്റെ പേരിൽത്തന്നെയാണ് ഈ ചിത്രശലഭങ്ങൾ അറിയപ്പെടുകയെന്നും സുപ്രിയ സാഹു പറഞ്ഞു.പുതിയയിനം കൂടിയെത്തിയതോടെ പശ്ചിമഘട്ടത്തിലെ ആകെ ചിത്രശലഭങ്ങൾ 337 ആയി. പശ്ചിമഘട്ടത്തിൽമാത്രം കാണുന്ന 40 ചിത്രശലഭങ്ങളും ഇതിലുൾപ്പെടും.