ഇലക്ട്രിക് വെഹിക്കിൾ (ഇവി) വിപണന രംഗത്ത് ആധിപത്യം പുലർത്തുന്ന ടെസ്ലയ്ക്ക് തിരിച്ചടി. ശതകോടീശ്വരനായ എലോൺ മസ്കിന്റെ ഉടമസ്ഥതയിൽ യുഎസ് ആസ്ഥാനമായുള്ള ടെസ്ല 2023-ന്റെ നാലാം പാദത്തിൽ 484,507 വാഹനങ്ങൾ വിതരണം ചെയ്തു. മുൻ പാദത്തേക്കാൾ 11 ശതമാനത്തിലധികം വർധന. എന്നാൽ ഈ സംഖ്യ അതേ കാലയളവിൽ ചൈനയുടെ BYD വിതരണം ചെയ്തതിനേക്കാൾ കുറവാണ്. BYD ഇതേ കാലയളവിൽ 526,409 വിൽപ്പന രേഖപ്പെടുത്തി. 2019 ലെ ഒരു അഭിമുഖത്തിൽ ഒരു ചൈനീസ് കമ്പനി ടെസ്ലയെ മരിക്കടക്കുമെന്ന് പറഞ്ഞപ്പോൾ എലോൺ മസ്ക് പരിഹസിച്ച അതേ കമ്പനിയാണ് BYD.
ഷെൻസെൻ ആസ്ഥാനമായി പ്രവർത്തിക്കുന്ന BYD ഇലക്ട്രിക് കാറുകളുടെ ലോകത്ത് വൻ കുതിച്ചുചാട്ടം നടത്തുന്നു. വാഹനങ്ങൾ വിതരണം ചെയ്യുന്നതിനു പുറമേ, നാലാം പാദത്തിൽ വാഹന ഉൽപ്പാദനത്തിലും BYD ടെസ്ലയെ പിന്നിലാക്കി. 1995-ൽ BYD ബാറ്ററി നിർമ്മാണം ആരംഭിച്ചു. പിന്നീട് പ്ലഗ്-ഇൻ ഹൈബ്രിഡ്, ഓൾ-ഇലക്ട്രിക് വാഹനങ്ങൾ നിർമ്മിക്കുന്നതിലേക്ക് ശ്രദ്ധ തിരിച്ചു. ഷെൻഷെൻ ആസ്ഥാനമായുള്ള കമ്പനി ചൈനയിലും യൂറോപ്പിലും വിതരണം നടത്തുന്നു. നിലവിൽ കമ്പനി വാഹനങ്ങൾ യുണൈറ്റഡ് സ്റ്റേറ്റ്സിൽ വിൽക്കുന്നില്ല,