ഗൂഗിൾ പ്ലേ മൂവീസ് ആൻഡ് ടിവി ആപ്പ് നിർത്തലാക്കുന്നതായി ഗൂഗിൾ സ്ഥിരീകരിച്ചു. വിനോദ സേവനങ്ങൾ ലയിപ്പിക്കുന്നതിനുള്ള തന്ത്രപരമായ നീക്കത്തിന്റെ ഭാഗമായാണ് പുതിയ തീരുമാനം. ഇതിനകം തന്നെ, ഗൂഗിൾ ആൻഡ്രോയിഡ്, ഐഒഎസ് ഉപയോക്താക്കളെ ഗൂഗിൾ ടിവി ആപ്പിലേക്ക് മാറ്റി. റോക്കുവിൽ നിന്നും ഒട്ടുമിക്ക സ്മാർട്ട് ടിവികളിൽ നിന്നും ആപ്പ് എടുത്തുമാറ്റി, ഒക്ടോബറിൽ ആൻഡ്രോയിഡ് ടിവിയിൽ നിന്ന് നീക്കം ചെയ്തു. ജനുവരിയിൽ ആപ്പിന്റെ പ്രവർത്തനം പൂർണമായും നിർത്തലാക്കും.
നിലവിലെ ഉപയോക്താക്കൾക്ക് അവരുടെ സേവനം തടസ്സമില്ലാതെ തുടരാനും ആപ്പിൽ നിന്ന് ഡൗൺലോഡ് ചെയ്ത ഷോകളും സിനിമകളും കാണാനും ഗൂഗിൾ ഇതിനകം തന്നെ രൂപരേഖ നൽകിയിട്ടുണ്ട്. അവ തുടർന്നും Android TV, Google TV, Google TV ആപ്പ് (Android, iOS എന്നിവയ്ക്ക്), YouTube എന്നിവയിൽ കാണാൻ കഴിയും. ആൻഡ്രോയിഡ് ടിവിയിൽ പ്രവർത്തിക്കുന്ന കേബിൾ ബോക്സുകളിലെയും സെറ്റ്-ടോപ്പ് ബോക്സുകളിലെയും യൂട്യൂബ് ആപ്പ്, ഗൂഗിൾ പ്ലേ മൂവീസിന്റെ സേവനങ്ങൾ ഏറ്റെടുക്കും. അതേസമയം, വെബ് ഉപയോക്താക്കൾ അവരുടെ യൂട്യൂബ് വഴി കാണാം.
.