വയനാട്ടില് പാചക വാതക സിലിണ്ടര് പൊട്ടിത്തെറിച്ച് അപകടം. അപകടത്തില്കല്പ്പറ്റ വെണ്ണിയോട് കല്ലട്ടിയില് കേളുക്കുട്ടിയുടെ വീട് ഭാഗികമായി തകര്ന്നു. വീടിന്റെ മേല്ക്കൂര ഉള്പ്പെടെ തെറിച്ചുപോയി. പുതിയ സിലിണ്ടര് ഘടിപ്പിക്കുന്നതിനിടെ ഗ്യാസ് ചോരുകയായിരുന്നു. സമീപത്തെ വിറക് അടുപ്പില് ഈ സമയം തീ ഉണ്ടായിരുന്നു. ഇതോടെയാണ് ഗ്യാസ് പൊട്ടിത്തെറിച്ചതെന്നാണ് പ്രാഥമിക നിഗമനം. സംഭവത്തില് ആര്ക്കും പരിക്കില്ല.
