ഒരു വലിയ ശതമാനം പേരും ദിവസേന മുട്ട പല രീതിയിൽ ഭക്ഷണത്തിൽ ഉൾപ്പെടുത്താറുണ്ട്. കുട്ടികള്ക്കും മുതിര്ന്നവര്ക്കുo ഒരു പോലെ കഴിയ്ക്കാവുന്ന സമീകൃതാഹാരവുമാണ് മുട്ട. പ്രോട്ടീന്, കാല്സ്യം, വൈറ്റമിന് ഡി, വൈറ്റമിന് ബി6 തുടങ്ങി പല പോഷകങ്ങളും മുട്ടയിൽ വലിയ തോതിൽ അടങ്ങിയിട്ടുമുണ്ട്.
എന്നാല് മുട്ട എങ്ങനെ കഴിച്ചാലാണ് ഗുണം കൂടുതൽ എന്നത് പലര്ക്കുമുള്ള സംശയമാണ്. ചിലര് പറയും പച്ച മുട്ടയാണ് നല്ലതെന്ന്. എന്നാല് മറ്റു ചിലർക്ക് പുഴുങ്ങിയ മുട്ടയാണ് നന്നെന്ന അഭിപ്രായമുണ്ട്. സത്യത്തില് മുട്ട നല്ലത് പോലെ വേവിച്ചു തന്നെ വേണം കഴിക്കാന്. കാരണം, സാല്മനൊല്ല എന്ന ബാക്ടീരിയ പച്ചമുട്ടയിൽ വളരെ വേഗം വളരും. അതുകൊണ്ട് പച്ച മുട്ട കഴിക്കാതിരിക്കുന്നതാണ് നല്ലതെന്നാണ് ആരോഗ്യ വിദഗ്ധർ പറയുന്നത്.
പുഴുങ്ങിയ മുട്ടയിലുള്ള പ്രോട്ടീന്റെ അളവ് കൂടുതലാണ്. പെട്ടെന്ന് തന്നെ ശരീരത്തിന് ആഗിരണം ചെയ്യാന് സാധിക്കുന്ന വിധത്തിലാണ് പുഴുങ്ങിയ മുട്ടയിലെ പ്രോട്ടീൻ ഘടന. കലറി ഏറെ കുറഞ്ഞ ഒരു ഭക്ഷണ വസ്തുവാണ് പുഴുങ്ങിയ മുട്ട.ഇതിനാലാണ് പ്രാതലിന് പുഴുങ്ങിയ മുട്ട ഉള്പ്പെടുത്തുവാന് പറയുന്നത്. പുഴുങ്ങിയ മുട്ട മുഴുവന് കഴിച്ച് മറ്റ് കൊഴുപ്പുകള് ഒഴിവാക്കിയാല് വണ്ണം കൂടില്ലന്ന് മാത്രമല്ല ആരോഗ്യപരമായ പ്രശ്നങ്ങള് ഉണ്ടാവുകയുമില്ല.
മുട്ടയില് അടങ്ങിയിരിക്കുന്ന വിറ്റമിന് ബി അതുപോലെ, കോലൈന് എന്നിവ തലച്ചോറിന്റെ ആരോഗ്യത്തിന് നല്ലതാണ്. മുട്ട കഴിച്ചാല് പെട്ടെന്ന് വയര് നിറഞ്ഞതുപോലെ തോന്നുന്നതിനാല് തന്നെ ഇത് തടി കുറയ്ക്കാന് വളരെയധികം സഹായിക്കുന്നു. പോഷകങ്ങളാല് സമ്പന്നമായതിനാല് തന്നെ ഇത് ഗര്ഭിണികള്ക്ക് വളരെ നല്ലതാണ്. പേശികളുടെ ആരോഗ്യം നിലനിര്ത്താനും മുട്ട സഹായിക്കുന്നു. അതുപോലെ മുടി, നഖം തുടങ്ങിയവയുടെ ആരോഗ്യത്തിനും നല്ലതാണ്.