ക്രിസ്തുമസിന് അവധി ഇല്ലാതെ കേരള ലോക്ഭവൻ. അടൽ ബിഹാരി വാജ്പേയിയുടെ ജന്മദിനാഘോഷത്തിൻ്റെ ഭാഗമായ ചടങ്ങിൽ എല്ലാ ജീവനക്കാരും പങ്കെടുക്കണമെന്നും എല്ലാ ജീവനക്കാരും ഇന്ന് ഓഫീസിൽ ഹാജരാകണമെന്നും ലോക്ഭവൻ കൺട്രോളർ ഉത്തരവ് ഇറക്കി.
രാവിലെ പത്തുമണിക്ക് ലോക്ഭവനില് നടക്കുന്ന മുന് പ്രധാനമന്ത്രിയുടെ ജന്മദിനാഘോഷ പരിപാടിയിൽ എല്ലാ ജീവനക്കാരും നിര്ബന്ധമായും പങ്കെടുക്കണമെന്ന് ഉത്തരവില് പറയുന്നു.
അതേസമയം, ലോകത്തിനാകെ വെളിച്ചംപകരുന്ന ബൈബിൾ സന്ദേശത്തിന്റെ പ്രഭകെടുത്തും വിധം ക്രിസ്മസ് ആഘോഷങ്ങളെപ്പോലും കടന്നാക്രമിക്കുന്ന അവസ്ഥ അസ്വസ്ഥപ്പെടുത്തുന്നതാണെന്ന് മുഖ്യമന്ത്രി പിണറായി വിജയന് ഇന്നലെ പറഞ്ഞു.