ഇസ്രയേലുമായുള്ള യുദ്ധത്തിൽ തകർന്ന പലസ്തീന് മരുന്നുകള്, ടെന്റുകള്, ശസ്ത്രക്രിയ ഉപകരണങ്ങള് തുടങ്ങിയവ അയച്ചതിന് ഇന്ത്യയ്ക്ക് നന്ദിയറിച്ച് പാലസ്തീൻ. ഇന്ത്യയുടെ സഹായത്തിന് നന്ദിയുണ്ടെന്നും പലസ്തീന് ജനതക്ക് കൂടുതല് സഹായം ആവശ്യമാണെന്നും ഇന്ത്യയിലെ പലസ്തീന് അംബാസഡര് അദ്നാൻ അബു അൽഹൈജാ പറഞ്ഞു.
സംഘര്ഷം അവസാനിപ്പിക്കാന് ഇന്ത്യ രാഷ്ട്രീയ ഇടപെടല് നടത്തണമെന്നും അദ്ദേഹം ആവശ്യപ്പെട്ടു. .ഇന്ത്യയുടെ സഹായം ഈജിപ്ത് അതിർത്തി വഴിയാണ് ഗാസയിൽ എത്തുക.6.5 ടൺ വൈദ്യസഹായ സാമഗ്രികളും 32 ടൺ ദുരന്ത നിവാരണ സാമഗ്രികളും വഹിച്ചുകൊണ്ടുള്ള വ്യോമസേനാ വിമാനം ഐഎഎഫ് സി-17 ഞായറാഴ്ച പുറപ്പെട്ടതായി വിദേശകാര്യ മന്ത്രാലയം അറിയിച്ചു.
ഈജിപ്തിലെ അൽ-അരിഷ് വിമാനത്താവളത്തിലാണ് ലാൻഡ് ചെയ്യുക. അവശ്യ ജീവൻ രക്ഷാ മരുന്നുകൾ, ശസ്ത്രക്രിയാ വസ്തുക്കൾ, ടെന്റുകൾ, സ്ലീപ്പിംഗ് ബാഗുകൾ, ടാർപോളിനുകൾ, സാനിറ്ററി യൂട്ടിലിറ്റികൾ, വെള്ളം ശുദ്ധീകരിക്കുന്നതിനുള്ള ഗുളികകൾ എന്നിവയും അവശ്യവസ്തുക്കളിൽ ഉൾപ്പെട്ടിട്ടുണ്ടെന്ന് മന്ത്രാലയം അറിയിച്ചു.