സൗദി അറേബ്യയുടെ വിവിധ ഭാഗങ്ങളിൽ കടുത്ത ചൂട് അനുഭവപ്പെടുന്നതിനിടെ ഒരു ഭാഗത്ത് കനത്ത മഴ പെയ്യുന്നതായി റിപ്പോർട്ടുകൾ. കനത്ത മഴയെ തുടർന്ന് മഹായിൽ അസീറിൽ നിരവധി കാറുകൾ വെള്ളത്തിൽ മുങ്ങി. ഇതിന്റെ വീഡിയോ ക്ലിപ്പ് സോഷ്യൽ മീഡിയകളിൽ സ്വദേശികൾ ഉൾപ്പെടെ പങ്കു വച്ചു.
പ്രചരിക്കുന്ന വീഡിയോയിൽ മഴവെള്ളത്തിന്റെ അളവിൽ ഗണ്യമായ വർധനവ് കാണാനാകും. കനത്ത മഴയിൽ വെള്ളം കുത്തനെ ഉയർന്നതിനെ തുടർന്ന് കാറുകൾ വെള്ളത്തിൽ മുങ്ങുകയും എല്ലാ വശങ്ങളിലും മഴവെള്ളം കുത്തിയൊലിക്കുകയുമാണ്.
മഹായിൽ അസീർ പ്രവിശ്യയിലും അനുബന്ധ കേന്ദ്രങ്ങളിലും കനത്ത മഴ പെയ്തതായും ഇത് നിരവധി സ്ഥലങ്ങളിൽ പേമാരി സൃഷ്ടിച്ചതായും റിപ്പോർട്ടുകളിൽ പറയുന്നു.