കേന്ദ്ര സർക്കാർ സ്ഥാപനമായ അലിഗഢ് മുസ്ലിം സർവകലാശാല മലപ്പുറം സെന്ററിൽ 2025 – 26 അധ്യയന വർഷത്തേക്കുള്ള പഞ്ചവത്സര ബി എ എൽ എൽ ബി കോഴ്സിന് അപേക്ഷിക്കുവാനുള്ള തീയതി ഫെബ്രുവരി 7 വരെ നീട്ടിയിട്ടുണ്ട്. അലിഗഢ് സർവകലാശാല നടത്തുന്ന പ്രവേശനപരീക്ഷയുടെ അടിസ്ഥാനത്തിലാണ് പ്രവേശനം നൽകുക.
അപേക്ഷിക്കാനുള്ള പ്രായപരിധി ഇത്തവണ ഒഴിവാക്കിയിട്ടുണ്ട്. കേരളത്തിൽ നിന്നുള്ള വിദ്യാർഥികൾക്ക് കോഴിക്കോട് പരീക്ഷാ കേന്ദ്രത്തിൽ പ്രവേശന പരീക്ഷ എഴുതാം. പ്ലസ്ടു പൂർത്തീകരിച്ചവർക്കും ഈ വർഷം അവസാന പരീക്ഷ എഴുതുന്നവർക്കും അപേക്ഷിക്കാം. മലപ്പുറം ക്യാമ്പസിൽ അഡ്മിഷൻ ലഭിക്കാനായി ആപ്ലിക്കേഷൻ സമയത്ത് AMU മലപ്പുറം സെന്ററിന് മുൻഗണന നൽകണം.
വിശദവിവരങ്ങൾക്ക് : www.amucontrollerexams.com, ഫോൺ : 04933 229299, 9778100801, 9995474788.