കണ്ണൂര് വളപട്ടണത്ത് വീട് കുത്തിതുറന്ന് 300 പവൻ സ്വര്ണവും ഒരു കോടി 21 രൂപയും കവര്ന്ന സംഭവത്തിൽ അറസ്റ്റിലായ ലിജീഷ് മുമ്പും മോഷണം നടത്തിയിട്ടുണ്ടന്ന് പൊലീസ്. കഴിഞ്ഞ വര്ഷം കണ്ണൂര് കീച്ചേരിയിൽ നടന്ന മോഷണത്തിലും ലിജീഷ് പ്രതിയാണെന്ന് പൊലീസ് കണ്ടെത്തി. അന്ന് പ്രതിയെ പൊലീസിന് പിടികൂടാനായിരുന്നില്ല. ഇത്തവണ മോഷണം നടത്തിയപ്പോള് പതിഞ്ഞ വിരലടയാളമാണ് ലിജീഷിനെ കുടുക്കിയത്.
കീച്ചേരിയിൽ മോഷണം നടന്നപ്പോള് പൊലീസിന് ലഭിച്ച വിരലടയാളവും വളപട്ടണത്ത് നിന്നു ലഭിച്ച വിരലടയാളവും ഒരാളുടേതാണെന്ന് തെളിഞ്ഞതോടെയാണ് രണ്ടിനും പിന്നിൽ ലീജിഷ് ആണെന്ന് വ്യക്തമായത്. ഇതിനിടെ, ലിജീഷ് മോഷണം നടത്തുന്നതിന്റെ ദൃശ്യങ്ങളും പൊലീസ് പുറത്തുവിട്ടു.