ഫാം അസിസ്റ്റൻ്റ് ഗ്രേഡ് 2 : താത്ക്കാലിക നിയമനം
കേരള കാർഷിക സർവകലാശാലയുടെ കീഴിൽ തിരുവനന്തപുരം കരമനയിൽ പ്രവർത്തിച്ചുവരുന്ന സംയോജിത കൃഷി സമ്പ്രദായ ഗവേഷണ കേന്ദ്രത്തിൽ ഫാം അസിസ്റ്റന്റ് ഗ്രേഡ് 2 (വെറ്റി) തസ്തികയിലേക്ക് 59 ദിവസം കാലയളവിലേക്ക് ദിവസവേതന നിരക്കിൽ യോഗ്യതയുള്ളവരിൽ നിന്നും അപേക്ഷകൾ ക്ഷണിച്ചു.
യോഗ്യത – കേരള കാർഷിക സർവകലാശാലയുടെ ലൈവ് സ്റ്റോക്ക് അസിസ്റ്റന്റ് ട്രെയിനിംഗ് കോഴ്സ് / ലൈവ് സ്റ്റോക്ക് മാനേജ്മെന്റിലുള്ള വി എച്ച് എസ് ഇ / തത്തുല്യ യോഗ്യത. നിയമന കാലാവധി – 59 ദിവസത്തേക്ക് അല്ലെങ്കിൽ എംപ്ലോയ്മെന്റ് എക്സ്ചേഞ്ച് മുഖേനയോ / കരാർ അടിസ്ഥാനത്തിലോ /സ്ഥിരം ജീവനക്കാരോ, ഏതാണോ ആദ്യം ഹാജരാകുന്നതുവരെ എന്നതായിരിക്കും.
യോഗ്യരായ ഉദ്യോഗാർത്ഥികൾ ബയോഡേറ്റയും സർട്ടിഫിക്കറ്റുകളുടെ പകർപ്പുകളും സഹിതം ഒക്ടോബർ 10 വൈകുന്നേരം 4 മണിക്ക് മുൻപ്, പ്രൊഫസർ & ഹെഡ്
ഇന്റഗ്രേറ്റഡ് ഫാമിംഗ് സിസ്റ്റം റിസർച്ച് സ്റ്റേഷൻ, കേരള കാർഷിക സർവകലാശാല, നെടുങ്കാട്, കരമന പി ഒ, തിരുവനന്തപുരം – 695 002 എന്ന വിലാസത്തിലോ, ifsrs@kau.in എന്ന ഇ – മെയിലിലോ അപേക്ഷകൾ സമർപ്പിക്കേണ്ടതാണ്. കൂടുതൽ വിവരങ്ങൾക്ക് 0471 – 2343586 എന്ന ഫോൺ നമ്പറിലേക്ക് ഓഫീസ് സമയങ്ങളിൽ വിളിക്കാവുന്നതാണ്.