നിപ രോഗബാധയുമായി ബന്ധപ്പെട്ട് ഇന്ന് (സെപ്റ്റംബര് 19) പുറത്തു വന്ന ഒരാളുടെ പരിശോധനാ ഫലം കൂടി നെഗറ്റീവായതായി ആരോഗ്യ വകുപ്പ്. ഇതോടെ ആകെ 37 പേരുടെ പരിശോധനാ ഫലം നെഗറ്റീവായി.
ഇന്ന് പുതുതായി രണ്ടു പേരെ സമ്പര്ക്ക പട്ടികയില് ഉള്പ്പെടുത്തിയിട്ടുണ്ട്. ഇവര് ഹൈറിസ്ക് വിഭാഗത്തില് ഉള്ളവരാണ്. സമ്പര്ക്ക പട്ടികയില് ഉള്പ്പെട്ടിട്ടുള്ള 81 പേര് ആരോഗ്യ പ്രവര്ത്തകരാണ്. 177 പേര് പ്രൈമറി കോണ്ടാക്ട് പട്ടികയിലും 90 പേര് സെക്കന്ററി കോണ്ടാക്ട് പട്ടികയിലുമാണ്. പ്രൈമറി പട്ടികയിലുള്ള 134 പേരാണ് ഹൈറിസ്ക് കാറ്റഗറിയിലുള്ളത്. രോഗലക്ഷണങ്ങളുമായി രണ്ടു പേര് ഇന്ന് മഞ്ചേരി മെഡിക്കല് കോളജ് ആശുപത്രിയില് അഡ്മിറ്റായിട്ടുണ്ട്. ഇവര് അടക്കം ആറു പേര് മഞ്ചേരി മെഡിക്കല് കോളജ് ആശുപത്രിയിലും 21 പേര് പെരിന്തല്മണ്ണ എം ഇ എസ് മെഡിക്കല് കോളേജ് ആശുപത്രിയിലും അഡ്മിറ്റായി ചികിത്സ തുടരുന്നുണ്ട്.
സമ്പര്ക്കപ്പട്ടികയില് ഉള്പ്പെട്ടവര്ക്ക് മികച്ച മാനസിക പിന്തുണയും നല്കിവരുന്നു. ഇന്ന് 40 പേര് ഉള്പ്പെടെ 265 പേര്ക്ക് കോള് സെന്റര് വഴി മാനസിക പിന്തുണ നല്കി. പ്രതിരോധ പ്രവര്ത്തനങ്ങളുടെ ഭാഗമായി മമ്പാട്, തിരുവാലി, വണ്ടൂര് പഞ്ചായത്തുകളിലായി നടത്തി വന്ന ഫീല്ഡ് സര്വെ പൂര്ത്തിയായി. 7,953 വീടുകളിലാണ് ഇതിനകം സര്വെ നടത്തിയത്. ആകെ 175 പനി കേസുകള് സര്വെയില് റിപ്പോര്ട്ട് ചെയ്തു.