നഴ്സിങ് ലക്ചറർ ഒഴിവ്
ആലപ്പുഴ സർക്കാർ നഴ്സിങ് കോളജിൽ 2024 – 25 അധ്യയന വർഷത്തേക്ക് മാത്രം ബോണ്ടഡ് നഴ്സിങ് ലക്ചറർമാരുടെ 11 ഒഴിവുകളിലേക്ക് വാക് ഇൻ ഇന്റർവ്യൂ നടത്തും. പ്രതിമാസ സ്റ്റൈപന്റ് 25,000 രൂപ.
സംസ്ഥാനത്തെ സർക്കാർ / സ്വകാര്യ നഴ്സിങ് കോളജിൽ നിന്നുള്ള എം എസ് സി നഴ്സിങ് വിജയവും കെ എൻ എം സി രജിസ്ട്രേഷനുമാണ് യോഗ്യത. പ്രായം 40 വയസ് കവിയരുത്. എസ് സി / എസ് ടി ഉദ്യോഗാർഥികൾക്ക് നിയമാനുസൃത വയസിളവിന് അർഹത ഉണ്ടായിരിക്കും.
താത്പര്യമുള്ളവർ വിശദമായ ബയോഡാറ്റയും തിരിച്ചറിയൽ രേഖ, യോഗ്യത, വയസ്, പ്രവൃത്തിപരിചയം എന്നിവ തെളിയിക്കുന്ന അസൽ സർട്ടിഫിക്കറ്റുകളുമായി സെപ്റ്റംബർ 23ന് രാവിലെ 11ന് കോളജിൽ ഹാജരാകണം.