ചർമ്മ സംരക്ഷണത്തിനായുള്ള നിരവധി ഉത്പ്പന്നങ്ങൾ ഇന്നു വിപണിയിലുണ്ട്.അവ വാങ്ങി ഉപയോഗിക്കുന്നവരാണ് നമ്മളിൽ പലരും. പ്രകൃതിദത്തമായ ചില ചേരുവകൾ ഉപയോഗിച്ച് തന്നെ ചർമ്മത്തെ സംരക്ഷിക്കാനാകും.നല്ല തിളക്കവും യുവത്വവും തുളമ്പുന്ന ചർമ്മം സ്വന്തമാക്കാൻ ഉപയോഗിക്കാം ചിലത്.
മഞ്ഞൾ
മഞ്ഞൾ ചർമ്മത്തെ തിളക്കമുള്ളതാക്കാൻ സഹായിക്കുന്നു.മഞ്ഞളിൽ ആന്റിബാക്ടീരിയൽ, ആന്റിഇൻഫ്‌ളമേറ്ററി ഘടകങ്ങൾ അടങ്ങിയിരിക്കുന്നതിനാൽ മുഖക്കുരു,കറുത്തപാടുകൾ എന്നിവ അകറ്റാനും ചർമ്മത്തിന് നല്ല നിറം നൽകാനും സഹായിക്കും.
തൈര്
തൈരിൽ ലാക്റ്റിക് ആസിഡ്(എഎച്ച്‌എ) അടങ്ങിയിട്ടുണ്ട്.ഇത് പോഷകങ്ങളും വൈറ്റമിനുകളും ചേർന്ന് നിർജ്ജീവമായ ചർമകോശങ്ങളെ പുറംതള്ളുകയും ചർമത്തെ ശുദ്ധീകരിക്കുകയും ചെയ്യുന്നു. വൈറ്റമിൻ ബി 5 ന്റെ സാന്നിദ്ധ്യം കറുത്ത പാടുകൾ മായ്‌ക്കാനും മുഖത്തിനു സ്വാഭാവിക തിളക്കം നൽകാനും സഹായിക്കുന്നു.ചർമത്തിൽ നിന്നും ബ്ലാക്ക് ഹെഡ്‌സ് വൈറ്റ് ഹെഡ്‌സ് നീക്കാനും ചർമ്മത്തിന്റെ ഇലാസ്തികത നിലനിർത്താനും ചർമ്മത്തിന് നല്ല തിളക്കവും യുവത്വവും നൽകാനും തൈര് സഹായിക്കും.
ആര്യവേപ്പില
ചർമത്തിലെ മുഖക്കുരു,തിണർപ്പ് എന്നിവ സുഖപ്പെടുത്തുന്നതിന് മികച്ചൊരു പ്രതിവിധിയാണ് ആര്യവേപ്പ്. ഇത് ചർമത്തിന്റെ സ്വാഭാവിക തിളക്കം വർധിപ്പിച്ച് ചർമത്തിന്റെ നിറം വർധിപ്പിക്കുന്നു.വേപ്പിലയുടെ ആന്റി ബാക്ടീരിയൽ സ്വഭാവം ചർമത്തിലെ അണുബാധയും തടയുന്നു.
കറ്റാർവാഴ
ചർമത്തെ നല്ലപോലെ സോഫ്റ്റാക്കി നിലനിർത്താനും ചർമത്തിന്റെ മോയ്‌സ്ച്വർ കണ്ടന്റ് നിലനിർത്താനും ചർമത്തിന് തിളക്കം നൽകാനും കറ്റാർവാഴ സഹായകമാണ്.കറ്റാർവാഴയിൽ അലോയിൻ എന്നറിയപ്പെടുന്നപ്രകൃതിദത്തമായ ഡിപിഗ്മെന്റേഷൻ സംയുക്തം അടങ്ങിയിരിക്കുന്നു.ഈ സംയുക്തം കറുത്ത പാടുകൾ ഇല്ലാതാക്കുകയും ചർമ്മത്തിലെ മൃതകോശങ്ങളെ ഇല്ലാതാക്കുകയും ചെയ്യുന്നു.