പൗരത്വ ഭേദഗതി നിയമം കേരളത്തില് നടപ്പാക്കില്ലെന്ന് മുഖ്യമന്ത്രി പിണറായി വിജയന് പറഞ്ഞു. സി എ എ യ്ക്കെതിരെ നിയമപരമായ തുടര് നടപടികൾക്കു കേരളം തയ്യാറാണെന്നും മുഖ്യമന്ത്രി.തെരഞ്ഞെടുപ്പില് നേട്ടം കൊയ്യാനുള്ള ഹീനമായ നടപടിയാണിതന്നും മുഖ്യമന്ത്രി.പൗരത്വഭേദഗതി നിയമം ഇന്ത്യന് ഭരണഘടനയുടെ അന്തസത്തയ്ക്ക് വിരുദ്ധമായതും നിയമം ജനങ്ങളെ മതാടിസ്ഥാനത്തില് വിഭജിക്കുന്നതുമാണ്. വിഭജന രാഷ്ട്രീയത്തിലൂടെ തെരഞ്ഞെടുപ്പില് നേട്ടം കൊയ്യാനുള്ള ഹീനമായ നടപടിയാണിത്. ഈ നിയമം അന്താരഷ്ട്ര തലത്തില് തന്നെ വിമര്ശനം നേരിടുന്നു.
നിയമത്തിന്റെ വിവേചന സ്വഭാവത്തെ തുടര്ന്ന് ഐക്യ രാഷ്ട്ര സഭയില് നിന്ന് തന്നെ വിമര്ശനം നേരിടുന്നതായും മുഖ്യമന്ത്രി പറഞ്ഞു. മുസ്ലിം ന്യൂനപക്ഷങ്ങളെ രണ്ടാം തരം പൗരന്മാരായി കണക്കാക്കുന്നതാണ് ഈ നിയമം. ഇന്ത്യയെന്ന ആശയത്തിന് തന്നെ വെല്ലുവിളിയാണിത്. പ്രത്യേക മതവിശ്വസത്തെ പൗരത്വം നിര്ണയിക്കുന്ന വ്യവസ്ഥയാക്കുന്നു. ഭരണഘടനയ്ക്കു പകരം മനുസ്മൃതിയെ പ്രതിഷ്ഠിക്കുന്ന സംഘപരിവാറിൻ്റെ തലച്ചോറില്നിന്നാണ് ഈ വിഷലിപ്തമായ നിയമം ജന്മം കൊണ്ടത്.അനധികൃത കുടിയേറ്റക്കാര് എന്ന പ്രയോഗം ആദ്യമായി പൗരത്വ നിയമത്തില് വന്നത് 2003ല് വാജ്പേയ് സര്ക്കാരിന്റെ കാലത്താണ്. എന്നാല് ആരാണ് അനധികൃത കുടിയേറ്റക്കാര് എന്നത് നിര്വചിക്കപ്പെട്ടത് മതാടിസ്ഥാനത്തിലായിരുന്നില്ല.
2019ലെ ഭേദഗതിയാണ് പൗരത്വത്തെ നിര്ണയിക്കാനുള്ളതിന് അടിസ്ഥാനമാക്കി മതത്തെ മാറ്റിയതെന്നും മുഖ്യമന്ത്രി പറഞ്ഞു.മൗലിക അവകാശം ഹനിക്കുന്ന ഒരു നിയമവും ഒരു സര്ക്കാരിനും കൊണ്ടുവരാനാകില്ല. കുടിയേറ്റക്കാരെ എങ്ങനെയാണ് മുസ്ലീങ്ങളെന്നും മുസ്ലീം ഇതര വിഭാഗമെന്നും വേര്തിരിക്കുന്നത് ? പൗരത്വ നിയമ ഭേദഗതിയുടെ രാഷ്ട്രീയ ലക്ഷ്യമാണ് എതിര്ക്കപ്പെടുന്നത്. പൗരത്വ നിയമഭേദഗതിക്കെതിരെ പ്രതിപക്ഷത്തെ കൂടി അണിനിരത്തി കേരളം നേരത്തെ സമരം ചെയ്തിരുന്നു. നിയമസഭാ പ്രമേയം അടക്കം നിയമം പാസാക്കി. എന്നാല് കോണ്ഗ്രസ് ആദ്യഘട്ടത്തില് യോജിപ്പിനു തയ്യാറായെങ്കിലും പെട്ടെന്ന് നിലപാട് മാറ്റി.
അന്നത്തെ കെ പി സി സി പ്രസിഡന്റ് പ്രമേയത്തെ പരിഹസിച്ചു. പ്രക്ഷോഭങ്ങളില് അണിനിരന്നവര്ക്കെതിരെ പാര്ട്ടിതല നടപടി എടുത്തുവെന്നും പിണറായി വിജയന് കുറ്റപ്പെടുത്തി.സി എ എ പ്രക്ഷോഭവുമായി ബന്ധപ്പെട്ട കേസുകൾ പിൻവലിക്കാൻ കേരളം നിലപാട് എടുത്തിട്ടുണ്ടെന്നും പിണറായി വിജയൻ പറഞ്ഞു. 835 കേസ് രജിസ്റ്റർ ചെയ്തതിൽ 629 കേസ് കോടതിയിൽ നിന്ന് ഇല്ലാതായി. 260 കേസിൽ 86 എണ്ണം പിൻവലിക്കാൻ സർക്കാർ സമ്മതം നൽകി. കേവലം ഒരേ ഒരു കേസ് മാത്രമാണ് അന്വേഷണ ഘട്ടത്തിലുളളത്. പിൻവലിക്കാൻ അപേക്ഷ നൽകാത്തതും ഗുരുതര സ്വഭാവമുള്ളതുമായ കേസുകൾ മാത്രമാണ് തുടരുന്നത്. അപേക്ഷ കിട്ടുന്ന മുറയ്ക്ക് ഇവ പിൻവലിക്കുമെന്നും മുഖ്യമന്ത്രി വ്യക്തമാക്കി.