മുകേഷ് അംബാനിയുടെ മകന് ആനന്ദ് അംബാനിയുടേയും വ്യവസായി വിരേന് മെര്ച്ചന്റിന്റെ മകള് രാധിക മെര്ച്ചന്റിന്റേയും വിവാഹം ജൂലൈ 12-ന്. മുംബൈയിലാണ് വിവാഹ ചടങ്ങുകൾ നടക്കുക. ബില് ഗേറ്റ്സ്, മാര്ക്ക് സക്കര്ബര്ഗ് ഉൾപ്പെടെ നിരവധി പ്രമുഖർ വിവാഹത്തിൽ പങ്കെടുക്കും. മാര്ച്ച് മുതല് വിവാഹാഘോഷങ്ങള്ക്ക് തുടക്കമാകും. ജാംനഗറിലെ അംബാനി കുടുംബത്തിന്റെ ഫാം ഹൗസിലും റിലയന്സ് ടൗണ്ഷിപ്പിലും വിവിധ വിഐപി ഗസ്റ്റ് ഹൗസുകളിലും ആഘോഷ പരിപാടികൾ നടക്കും. 1200-ല് കൂടുതല് അതിഥികള് പങ്കെടുക്കും.
കച്ച്, ലാല്പുര് എന്നിവിടങ്ങളില് നിന്നുള്ള നെയ്ത്തുകാരാണ് ഇരുവരുടേയും വിവാഹവസ്ത്രങ്ങള് തയ്യാറാക്കുന്നത്. 2022 ഡിസംബറില് രാജസ്ഥാനിലെ നാഥ് ദ്വാരയിലുള്ള ശ്രാനാഥ്ജി ക്ഷേത്രത്തിലായിരുന്നു ഇരുവരുടേയും വിവാഹ നിശ്ചയം നടന്നത്. ന്യൂയോര്ക്ക് സര്വകലാശാലയില്നിന്ന് ബിരുദമെടുത്ത രാധിക മെര്ച്ചന്റ് എന്കോര് ഹെല്ത്ത്കെയര് ലിമിറ്റഡില് ഡയറക്ടറാണ്.