തകഴി ചെറയകം മുട്ടുങ്കല് വീട്ടില് അഭിലാഷിനെ (40) യാണ് നെടുമുടി പൊലീസ് അറസ്റ്റു ചെയ്തത്. കഴിഞ്ഞ 21നായിരുന്നു സംഭവം. അര്ജന്റീനയില് നിന്നുള്ള 15 അംഗ സംഘം ചമ്പക്കുളത്ത് വന്ന് ബ്ളൂ ജെല്ലി റിസോര്ട്ടിന്റെ
ഹൗസ് ബോട്ടില് താമസിച്ചിരുന്നു. വൈകുന്നേരം ബോട്ട് നിര്ത്തി വിദേശികള് എല്ലാവരും റിസോര്ട്ടിലെ
സ്വിമ്മിങ് പൂളില് പോയ സമയം ബോട്ട് ജീവനക്കാരനായ
അഭിലാഷ് ബോട്ടിലെ ക്യാമറ മറ്റാരും അറിയാതെ
ഓഫ് ചെയ്ത ശേഷം വിദേശികള് താമസിച്ചിരുന്ന
മുറി തുറന്ന് ബാഗില് നിന്നും പണം
അപഹരിക്കുകയായിരുന്നു.
വിദേശികളുടെ പരാതിയില് കേസെടുത്ത നെടുമുടി പൊലീസ് അന്നേ ദിവസം ബോട്ടില് ഡ്യൂട്ടിയിലുണ്ടായിരുന്ന മുഴുവന്
ജീവനക്കാരെയും ചോദ്യം ചെയ്തു. സംശയം തോന്നിയ അഭിലാഷിനെ കേന്ദ്രീകരിച്ച് കൂടുതല് അന്വേഷണം നടത്തിയപ്പോള് ഇയാള് കുറ്റം സമ്മതിക്കുകയായിരുന്നു.
മോഷ്ടിച്ച പണം പൊലീസ് കണ്ടെടുത്തു.കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.