ക്രൂയിസ് ടൂറിസം നയത്തിന് മന്ത്രിസഭായോഗം അംഗീകാരം നൽകി. കേരളത്തെ ടൂറിസ്റ്റ് ഹബ്ബാക്കുക എന്ന ലക്ഷ്യത്തോടെ ഉള്ള തീരുമാനമാണിത് എന്ന് വിലയിരുത്തപ്പെടുന്നു.
വിനോദസഞ്ചാരികള്ക്ക് പുത്തന് അനുഭവം പകര്ന്നു നല്കുക, കൂടുതല് ടൂറിസ്റ്റുകളെ സംസ്ഥാനത്തേക്ക് ആകര്ഷിക്കുക തുടങ്ങിയ ലക്ഷ്യത്തോടെയാണ് കേരള ടൂറിസം വകുപ്പ് ക്രൂസ് ടൂറിസത്തിലേക്ക് കടക്കാന് ഒരുങ്ങുന്നത്.
കൂടാതെ പുതിയ തൊഴിലവസരങ്ങൾ സൃഷ്ടിക്കപ്പെടുകയും ചെയ്യും എന്നതാണ് മറ്റൊരു പ്രധാന നേട്ടം.
ക്രൂയിസ് ടൂറിസം നയം നടപ്പാക്കുന്നതോടെ
കേരള മാരിടൈം ബോര്ഡുമായി ചേര്ന്ന് സംസ്ഥാനത്തെ ഏഴ് തുറമുഖങ്ങളില് ക്രൂസ് ഓപ്പറേഷന്സ് ആരംഭിക്കാനാണ് ടൂറിസം വകുപ്പിന്റെ ആദ്യ പദ്ധതി. വിഴിഞ്ഞം അന്താരാഷ്ട്ര തുറമുഖത്തിന്റെ പ്രവര്ത്തനങ്ങള്ക്ക് ആക്കം കൂടുന്ന സാഹചര്യത്തില് ക്രൂസ് ടൂറിസം പദ്ധതിയെ വിശാലമായ തുറമുഖ വികസന പദ്ധതികളുമായി സംയോജിപ്പിക്കുന്നതിനുള്ള ഒരു അവസരമായിട്ടാണ് ടൂറിസം വകുപ്പ് കാണുന്നത്.
വിഴിഞ്ഞം, കൊച്ചി, ആലപ്പുഴ, കൊല്ലം, ബേപ്പൂര്, നീണ്ടകര, കായംകുളം എന്നിവിടങ്ങളിലെ തുറമുഖങ്ങളില് നിന്ന് വിനോദസഞ്ചാര കേന്ദ്രങ്ങള് കണ്ടെത്തി ടൂറിസ്റ്റ് സര്ക്യൂട്ടുകള് വികസിപ്പിക്കുക എന്നതാണ് പദ്ധതിയുടെ ലക്ഷ്യം.