തദ്ദേശ തിരഞ്ഞെടുപ്പിന് സമർപ്പിച്ചിട്ടുള്ള നാമനിർദ്ദേശപത്രികളുടെ സൂക്ഷ്മ പരിശോധന പൂർത്തിയായപ്പോൾ തിരുവനന്തപുരംകോര്പ്പറേഷനില് 933 പേരുടെയും ജില്ലാ പഞ്ചായത്തില് 253 പേരുടേയും നാമനിര്ദ്ദേശപത്രികകൾ സ്വീകരിച്ചിട്ടുണ്ട്. ജില്ലയില് ആകെ 12,938 പേരാണ് വിവിധ തദ്ദേശ സ്വയംഭരണ സ്ഥാപനങ്ങളിലേക്ക് പത്രികകൾ സമർപ്പിച്ചിരിക്കുന്നത്.
സൂക്ഷ്മ പരിശോധനയിൽ ജില്ലാ പഞ്ചായത്തില് ലഭിച്ച 254 അപേക്ഷകളില് ഒരെണ്ണം തള്ളി. കോര്പ്പറേഷനിലെ 100 വാര്ഡുകളിൽ നിന്നു ലഭിച്ച എല്ലാ പത്രികകളും അംഗീകരിച്ചിട്ടുണ്ട്.
പിൻവലിക്കാനുള്ള സമയം നാളെ ( നവംബർ 24)ഉച്ചയ്ക്ക് മൂന്നു മണിക്ക് അവസാനിക്കും. അതിനുശേഷമാകും സ്ഥാനാർത്ഥികളുടെ അന്തിമ പട്ടിക പ്രസിദ്ധീകരിക്കുക.