കണ്ണൂർ പുതിയങ്ങാടിയിൽ ഗ്യാസ് സിലിണ്ടറിന് തീപിടിച്ചുണ്ടായ അപകടത്തിൽ നാലു പേർക്ക് പരിക്ക്. ഇതരസംസ്ഥാന തൊഴിലാളികളായ നാലു മത്സ്യത്തൊഴിലാളികൾക്കാണ് അപകടത്തിൽ പരിക്കേറ്റത്. ഇവരിൽ ഒരാളുടെ നില അതീവ ഗുരുതരമെന്നാണ് ലഭിക്കുന്ന വിവരം. വെള്ളിയാഴ്ച രാവിലെയായിരുന്നു അപകടം. പുതിയങ്ങാടിയിലുള്ള ഇവരുടെ ഒറ്റ മുറി വീട്ടിലെ ഗ്യാസ് സിലിണ്ടറിനാണ് തീപിടിച്ചതും അപകടമുണ്ടായതും.
ഒഡീഷ സ്വദേശികളായ നാലു പേർ താമസിക്കുന്ന ഒറ്റ മുറി വീട്ടിലാണ് അപകടമുണ്ടായത്. ഇന്നലെ രാത്രി ഭക്ഷണം പാകം ചെയ്ത ശേഷം ഗ്യാസ് സിലിണ്ടർ ഓഫാക്കാൻ മറന്നിരുന്നു. ഇന്നു രാവിലെ ഭക്ഷണമുണ്ടാക്കാനായി തൊഴിലാളികളിൽ ഒരാൾ സ്റ്റൗവിന് തീകൊളുത്താൻ ശ്രമിച്ചതോടെയായിരുന്നു തീപിടിത്തമുണ്ടായത്. പരിക്കേറ്റ നാലു പേരെയും ഉടൻ തന്നെ പരിയാരം മെഡിക്കൽ കോളജിൽ പ്രവേശിപ്പിച്ചു. ഇവർ ചികിത്സയിൽ തുടരുകയാണ്.