വിദേശ പൗരന് മർദനം

വർക്കല പാപനാശത്ത് വിദേശ പൗരന് മർദനമേറ്റതായി പരാതി. ബീച്ചിൽ കുളിക്കാൻ ഇറങ്ങിയ ഗ്രീക്ക് സ്വദേശിയായ റോബർട്ടിനാണ് മര്‍ദനമേറ്റത്. വാട്ടർ സ്പോർട്സ് നടത്തുന്ന തൊഴിലാളികൾ മർദ്ദിച്ചതായാണ് പരാതി. കടലിൽ കുളിക്കാൻ ഇറങ്ങിയ റോബർട്ടിനെ വാട്ടർ സ്പോർട്സ് നടത്തിപ്പുകാരായ തൊഴിലാളികൾ തടഞ്ഞെന്നും വാക്കുതർക്കം മർദനത്തിൽ കലാശിക്കുകയുമായിരുന്നു എന്നാണ് വിവരം. ഇയാളുടെ കണ്ണിന് പരിക്കുണ്ട്. പൊലീസെത്തിയാണ് വിദേശിയെ ആശുപത്രിയിലേക്ക് മാറ്റിയത്.