സംസ്ഥാന ഭാഗ്യക്കുറി വകുപ്പു ഡയറക്ടറായി ഡോ : മിഥുൻ പ്രേംരാജ് ഐ എ എസ് ചുമതലയേറ്റു. 2021 ബാച്ചിലെ ഐ എ എസ് ഉദ്യോഗസ്ഥനായ അദ്ദേഹം കോഴിക്കോട് ജില്ലയിലെ വടകര സ്വദേശിയാണ്. ഒറ്റപ്പാലം സബ്കളക്ടറായി പ്രവർത്തിയ്ക്കവേയാണ് ഭാഗ്യക്കുറി വകുപ്പ് ഡയറക്ടറായി നിയമിതനായത്.
ജവഹർലാൽ നെഹ്റു ഇൻസ്റ്റിറ്റ്യൂട്ട് ഓഫ് പോസ്റ്റ് ഗ്രാജുവേറ്റ് മെഡിക്കൽ എജ്യുക്കേഷൻ ആൻ്റ് റിസേർച്ചിൽ ( JIPMER ) നിന്നും എം ബി ബി എസ് നേടിയ ഡോ : മിഥുൻ പ്രേംരാജ് പബ്ലിക് ഹെൽത്ത് മാനേജ്മെൻ്റിൽ പി ജി ഡിപ്ലോമയും നേടിയിട്ടുണ്ട്. സംസ്ഥാന ആരോഗ്യ വകുപ്പിൽ നിന്നും വിരമിച്ച ശിശുരോഗ വിദഗ്ധനായ ഡോ : എം പ്രേംരാജും സ്വകാര്യ സ്ഥാപനത്തിൽ നിന്നും മാനേജരായി വിരമിച്ച ബിന്ദു പ്രേംരാജുമാണ് മാതാപിതാക്കൾ. ലൈഫ് മിഷൻ സി ഇ ഒയും പഞ്ചായത്ത് ഡയറക്ടറുമായ അപൂർവ ത്രിപാഠി ഐ എ എസ് ആണ് ഭാര്യ. റേഡിയോളജിസ്റ്റായ ഡോ : അശ്വതി പ്രേംരാജ് സഹോദരിയുമാണ്.