മലയാറ്റൂർ പുരസ്കാരം ഇ സന്തോഷ് കുമാറിനും സലിൻ മാങ്കുഴിക്കും

മലയാറ്റൂർ ട്രസ്റ്റിൻ്റെ പതിനെട്ടാമത് മലയാറ്റൂർ അവാർഡിന് ഇ സന്തോഷ് കുമാറിൻ്റെ നോവൽ തപോമയിയുടെ അച്ഛനും മലയാറ്റൂർ പ്രൈസിന് സലിൻ മാങ്കുഴിയുടെ നോവൽ ആനന്ദലീലയും അർഹമായി. ശില്പവും പ്രശസ്തിപത്രവും യഥാക്രമം 25,000, 10,001 രൂപയുമടങ്ങുന്നതാണ് പുരസ്ക്കാരം. കെ ജയകുമാർ ഐ എ എസ് ചെയർമാനും ഡോ ജോർജ്ജ് ഓണക്കൂർ, ഡോ വി കെ ജയകുമാർ, അനീഷ് കെ അയിലറ എന്നിവർ അംഗങ്ങളുമായ സമിതിയാണ് പുരസ്കാരം നിർണ്ണയിച്ചത്. അവാർഡുകൾ അടുത്ത മാസം അവസാനവാരം സമ്മാനിക്കുമെന്ന് മലയാറ്റൂർ ട്രസ്റ്റ് പ്രതിനിധികൾ തിരുവനന്തപുരത്ത് വാർത്താ സമ്മേളനത്തിൽ അറിയിച്ചു.