സംസ്ഥാന സർക്കാരും ഗവർണറും തമ്മിൽ സർവകലാശാലാ വിഷയങ്ങളിലടക്കം തർക്കങ്ങൾ നിലനിൽക്കുന്നതിനിടെ മുഖ്യമന്ത്രി പിണറായി വിജയനും ഗവർണർ രാജേന്ദ്ര ആർലേക്കറുമായുള്ള നിർണായക കൂടിക്കാഴ്ച ഇന്നു നടക്കും. ഉച്ചതിരിഞ്ഞ് മൂന്നരക്ക് രാജ് ഭവനിലാണ് കൂട്ടിക്കാഴ്ച്ച നടക്കുക.
സർക്കാരിന് തലവേദന സൃഷ്‌ടിച്ചു സർവകലാശാലാ വിഷയങ്ങളിൽ സമവായം കണ്ടെത്തുകയാണ് കൂടിക്കാഴ്ച്ചയുടെ ലക്ഷ്യം. കേരള സർവകലാശാലാ വി സി നിയമനം, താൽക്കാലിക വി സിമാരുടെ നിയമനം, സർവകലാശാല രജിസ്ട്രാറുടെ സസ്പെൻഷൻ ഉൾപ്പെടെയുള്ള വിഷയങ്ങളിലടക്കം ഗവർണറും സർക്കാരും തമ്മിൽ രൂക്ഷമായ തർക്കങ്ങൾ നിലനിൽക്കുന്ന സാഹചര്യത്തിലാണ് മുഖ്യമന്ത്രി – ഗവർണർ കൂടിക്കാഴ്ച്ച നടക്കുന്നുത്.