നിപ ബാധിത പ്രദേശങ്ങള് സന്ദര്ശിക്കാനും പ്രതിരോധ പ്രവര്ത്തനങ്ങള് ഏകോപിപ്പിക്കുന്നതിനുമായി കേന്ദ്ര സംഘം മലപ്പുറം ജില്ലയിലെത്തി. നിപ സാഹച്യങ്ങൾ പഠിച്ച് കേന്ദ്രത്തിന് റിപ്പോർട്ട് നൽകുന്നതിനും പ്രതിരോധ പ്രവർത്തനങ്ങളിൽ സംസ്ഥാനത്തെ സഹായിക്കുന്നതിനുമായി കേന്ദ്ര ആരോഗ്യ കുടുംബ ക്ഷേമ മന്ത്രാലയം നിയോഗിച്ച നാഷണല് ജോയിൻ്റ് ഔട്ട്ബ്രേക്ക് റെസ്പോണ്സ് ടീമാണ് ജില്ലയിലെത്തിയിരിക്കുന്നത്.
നാഷണൽ സെൻ്റർ ഫോർ ഡിസീസ് കൺട്രോളിലെ ( എൻ സി ഡി സി ) ജോയിന്റ് ഡയറക്ടറും പൊതുജനാരോഗ്യ സ്പെഷ്യലിസ്റ്റുമായ ഡോ. പ്രണായ് വര്മയുടെ നേതൃത്വത്തിലുള്ള 10 അംഗ സംഘമാണ് ജില്ലയിലെത്തിയത്. ഐ സി എം ആർ നാഷനല് ഇന്സ്റ്റിറ്റ്യൂട്ട് ഓഫ് വൈറോജി പൂനെയിൽ നിന്നുള്ള ശാസ്ത്രജ്ഞർ, വന്യജീവി സ്പെഷ്യലിസ്റ്റ്, വെറ്ററിനറി കൺസൾട്ടൻ്റ്, മൃഗസംരക്ഷ വകുപ്പിലെ വിദഗ്ധർ തുടങ്ങിയവരും സംഘത്തിലുണ്ട്. സംഘം ജില്ലാ മെഡിക്കൽ ഓഫീസർ ഡോ. ആർ രേണുകയുമായി കൂടിക്കാഴ്ച നടത്തുകയും ചെയ്തു.
വവ്വാലുകളെ നിരീക്ഷിക്കുന്നതിനും സർവ്വേക്കുമായി ഡോ. ഇ ദിലീപ് പാട്ടീലിന്റെ നേതൃത്വത്തിലുള്ള എട്ടു പേരടങ്ങുന്ന മറ്റൊരു എൻ ഐ വി സംഘവും ഉടൻ ജില്ലയിലെത്തും. നിലവിൽ പാലക്കാടാണ് ഈ സംഘം പരിശോധന നടത്തുന്നത്.