ഭാര്യയെ മണ്ണെണ്ണയൊഴിച്ച് തീകൊളുത്തി കൊലപ്പെടുത്താന് ശ്രമിച്ച ഭര്ത്താവ് അറസ്റ്റില്. മൂന്നാർ മാങ്കുളം താളുംകണ്ടം സെറ്റില്മെന്റ് പുത്തന്പുരക്കല് ടി. രഘുവാണ് (42) അറസ്റ്റിലായത്. ഭാര്യ മിനി(39)ക്ക് 90 ശതമാനം പൊള്ളലേറ്റിട്ടുണ്ട്.
ഇരുവരും തമ്മിൽ വാക്കുതര്ക്കവും കലഹവും പതിവായിരുന്നു. വെള്ളിയാഴ്ച രാത്രിയില് വീട്ടിലെത്തിയ രഘു മിനിയുടെ ദേഹത്ത് മണ്ണെണ്ണയൊഴിച്ചിട്ട് തീ കൊളുത്തുകയായിരുന്നുവെന്ന് പോലീസ് പറഞ്ഞു. സംഭവം നടക്കുമ്പോൾ മിനി വീട്ടിൽ ഒറ്റയ്ക്കായിരുന്നു. മിനിയെ ആദ്യം അടിമാലി താലൂക്ക് ആശുപത്രിയില് പ്രവേശിപ്പിച്ചു. പിന്നീട് കോട്ടയം മെഡിക്കല് കോളേജ് ആശുപത്രിയിലേക്ക് മാറ്റി.