കേന്ദ്ര കാലാവസ്ഥ വകുപ്പിന്റെ പ്രവചനം അനുസരിച്ച് ഏപ്രിൽ മാസത്തിൽ കേരളത്തിൽ സാധാരണ ലഭിക്കുന്നതിനേക്കാൾ കൂടുതൽ മഴ ലഭിക്കാൻ സാധ്യതയുണ്ട്. വടക്കൻ ജില്ലകളിൽ സാധാരണയെക്കാൾ കൂടുതലും മധ്യ തെക്കൻ ജില്ലകളിൽ സാധാരണ ഏപ്രിൽ മാസത്തിൽ അനുഭവപ്പെടുന്ന ചൂടും അനുഭവപ്പെടാനും സാധ്യതയുള്ളതായാണ് റിപ്പോർട്ട്.
രാജ്യത്ത് ഭൂരിഭാഗം സംസ്ഥാനങ്ങളിലും ഇനിയുള്ള മൂന്നു മാസങ്ങളിൽ ഉഷ്ണ തരംഗത്തിനു സാധ്യതയുള്ളതായും കേന്ദ്ര കാലാവസ്ഥാ റിപ്പോർട്ടിൽ പറയുന്നു.
കൂടാതെ നാളെ (ഏപ്രിൽ 2) മുതൽ തുടർന്നുള്ള മൂന്നു നാലു ദിവസങ്ങളിൽ കേരളത്തിൽ എല്ലാ ജില്ലകളിലും ഇടിയും മിന്നലും കാറ്റോട് കൂടിയ വേനൽ മഴയും ശക്തമാകാനുള്ള സൂചനകൾ ഉള്ളതായും റിപ്പോർട്ടിൽ പറയുന്നു. മലയോര മേഖലയിൽ കൂടുതൽ ശക്തമായ മഴക്ക് സാധ്യതയുണ്ട്.