മലപ്പുറം താനൂരിൽ ലഹരി കേസിൽ പൊലീസ് പിടികൂടിയ താമിര് ജിഫ്രി എന്ന യുവാവ് കസ്റ്റഡിയിൽ മരിച്ച കേസിൽ അന്വേഷണം നടത്തി സി ബി ഐ സമര്പ്പിച്ച കുറ്റപത്രം കോടതി മടക്കി. എറണാകുളം ചീഫ് ജുഡീഷ്യൽ മജിസ്ട്രേറ്റ് കോടതിയുടേതാണ് നടപടി. കുറ്റപത്രത്തിലെ ചില തീയതികള് രേഖപ്പെടുത്തിയതില് സംഭവിച്ച പിഴവുകള് ശ്രദ്ധയില്പ്പെട്ടതോടെയാണ് കോടതി കുറ്റപത്രം മടക്കിയത്.
നേരിയ ചില സാങ്കേതിക പിഴവുകള് ചൂണ്ടിക്കാട്ടിയാണ് കോടതി കുറ്റപത്രം മടക്കിയതെന്നും ഇത് സ്വാഭാവിക നടപടി മാത്രമാണെന്നും സി ബി ഐ വൃത്തങ്ങള് ചൂണ്ടിക്കാട്ടി.