സംസ്ഥാന പട്ടികജാതി വികസന വകുപ്പിനു കീഴിൽ തിരുവനന്തപുരം ജില്ലയിൽ പ്രവർത്തിക്കുന്ന ശ്രീ അയ്യങ്കാളി മെമ്മോറിയൽ ഗവ. മോഡൽ റസിഡൻഷ്യൽ സ്പോർട്സ് സ്കൂളിൽ പട്ടികജാതി / പട്ടികവർഗ വിഭാഗത്തിൽ നിന്നുള്ള, കായിക മേഖലയിൽ മുന്നാക്കം നിൽക്കുന്ന വിദ്യാർഥികൾക്കായി 2025 – 26 അധ്യയന വർഷത്തിൽ 5,11 ക്ലാസുകളിലെ കുട്ടികളുടെ സെലക്ഷൻ ട്രയലും 6,7,8,9 ക്ലാസുകളിൽ നിലവിൽ വരുന്ന ഒഴിവുകളിലേക്കും ജനുവരി 27 മുതൽ ഫെബ്രുവരി 11 വരെ രാവിലെ 8 മണിക്ക് കേരളത്തിലെ 14 ജില്ലകളിലായി നടക്കും.
കാസർഗോഡ് മുൻസിപ്പൽ സ്റ്റേഡിയത്തിൽ 27 നും, കണ്ണൂർ സെൻട്രൽ ജയിൽ ഗ്രൗണ്ടിൽ 28 നും, വയനാട് സുൽത്താൻ ബത്തേരി സെന്റ് മേരീസ് കോളജിൽ 29 നും കോഴിക്കോട് ഗവ. ഫിസിക്കൽ എഡ്യൂക്കേഷൻ കോളജിൽ 30 നും മലപ്പുറം തിരുവാലി ഗവ. ഹയർ സെക്കൻഡറി സ്കൂളിൽ 31നും പാലക്കാട് വിക്ടോറിയ കോളജിൽ ഫെബ്രുവരി 1നും തൃശ്ശൂർ തോപ്പ് സെന്റ് തോമസ് കോളജ് സ്റ്റേഡിയത്തിൽ 3 നും എറണാകുളം തേവര സേക്രഡ് ഹാർട്ട് കോളജിൽ 4 നും ഇടുക്കി മൂലമറ്റം സെന്റ് ജോസഫ് കോളജിൽ 5 നും കോട്ടയം പാല മുൻസിപ്പൽ സ്റ്റേഡിയത്തിൽ 6 നും ആലപ്പുഴ കലവൂർ സ്റ്റേഡിയത്തിൽ 7 നും പത്തനംതിട്ട തിരുവല്ല മാർത്തോമ കോളജിൽ 8 നും കൊല്ലം കൊട്ടാരക്കര ഗവ. ബോയിസ് എച്ച് എസ് എസിൽ 10നും തിരുവനന്തപുരം വെള്ളായണി കാർഷിക കോളേജ് ഗ്രൗണ്ടിൽ 11നുമാണ് സെലക്ഷൻ ട്രയൽ നടക്കുക.
അത്ലറ്റിക്സ്, ഫൂട്ബോൾ, ജൂഡോ, റസലിംഗ്, ജിംനാസ്റ്റിക്സ് (ആൺകുട്ടികൾക്കും പെൺകുട്ടികൾക്കും) എന്നീ 5 ഇനങ്ങളിലായാണ് സെല്കഷൻ നടക്കുന്നത്. നിലവിൽ 4, 10 ക്ലാസുകളിൽ പഠിയ്ക്കുന്ന കുട്ടികൾ മേധാവിയുടെ സാക്ഷ്യപത്രം, മൂന്നു ഫോട്ടോ, ജാതി, ജനന സർട്ടിഫിക്കറ്റ്, ആധാർ കാർഡ് എന്നിവയുടെ പകർപ്പ് ഉൾപ്പെടെ അതത് ജില്ലയിലെ വേദികളിൽ എത്തിച്ചേരണം. നിലവിൽ 5,6,7,8 ക്ലാസുകളിൽ പഠിക്കുന്ന കുട്ടികൾക്ക് അടുത്ത അധ്യയന വർഷത്തിൽ 6,7,8,9 ക്ലാസുകളിലേക്ക് പ്രവേശനം നൽകും. 8,9,11 ക്ലാസുകളിലെ പ്രവേശനം ഫിസിക്കൽ ടെസ്റ്റ്, സ്കിൽ ടെസ്റ്റ് എന്നിവയുടെ അടിസ്ഥാനത്തിലും 5,6,7 ക്ലാസുകളിലേക്ക് ഫിസിക്കൽ ടെസ്റ്റിന്റെ അടിസ്ഥാനത്തിലുമാണ് സെലക്ഷൻ നടത്തുന്നത്. കൂടുതൽ വിവരങ്ങൾക്ക്: 9447111553, 7356075313, 9744786578.