പ്രശസ്ത തമിഴ് സിനിമാ നടൻ ഡെൽഹി ഗണേഷ് അന്തരിച്ചു. വാര്ധക്യസഹജമായ അസുഖങ്ങളെ തുടര്ന്നായിരുന്നു അന്ത്യം. അദ്ദേഹത്തിന് 80 വയസായിരുന്നു പ്രായം. ഇന്നലെ അര്ധരാത്രിയോടെയാണ് മരണം സ്ഥിരീകരിച്ചത്.
നാനൂറിലേറെ ചലച്ചിത്രങ്ങളില് അദ്ദേഹം അഭിനയിച്ചിട്ടുണ്ട്. തമിഴ്, മലയാളം ഉള്പ്പെടെ നിരവധി സിനിമകളില് ശ്രദ്ധേയമായ വേഷങ്ങള് ചെയ്തിട്ടുണ്ട്.
ദേവാസുരം, കൊച്ചി രാജാവ്, കാലാപാനി, പോക്കിരി രാജ തുടങ്ങി നിരവധി മലയാള സിനിമകളിലും അദ്ദേഹം വേഷമിട്ടു. ചെന്നൈയിലെ രാമപുരം സെന്തമിഴ് നഗറിലെ വസതിയില് ഇന്നലെ രാത്രി 11.30 ഓടെയായിരുന്നു മരണം സംഭവിച്ചത്. സ്വഭാവ നടനായും വില്ലന് വേഷങ്ങളിലും മികച്ച പ്രകടനം കാഴ്ച്ചവെച്ച് ആരാധകര്ക്കിടയില് തന്റേതായ ഒരു പ്രത്യേക ഇടം ഡല്ഹി ഗണേഷ് നേടിയിട്ടുണ്ട്.